Shtetasi turk e inskenon një rast të grabitjes në Pejë

Kronikë e zezë

Shtetasi turk e inskenon një rast të grabitjes në Pejë

Më: 13 shkurt 2021 Në ora: 11:34
Ilustrim

Një shtetas turk ka inskenuar një rast të grabitjes në Pejë. I njëjti ka raportuar në Policinë e Kosovës, se dy të dyshuar nën kërcënimin e armës i kanë grabitur atij njëmijë euro dhe një telefon.

Sipas policisë shtetasi turk, njoftoi se me të dyshuarit është njohur më herët në Turqi.

Por, pas hetimit të rastit sipas policisë i tërë ky rast ishte i inskenuar.

Rasti ka ndodhur në rrugën “Anton Çeta”, në Pejë.

Njoftimi i policisë:

Me datën 25.01.2021, rreth orës 22:20, Policia e Kosovës është njoftuar se në rrugën ‘Anton Çeta’ në Pejë, ka ndodhur një rast ‘grabitje’.

Sipas viktimës shtetas Turk, i cili deklaron se me datë 24.01.2021 kishte ardhur ne aeroportin ‘Adem Jashari’ dhe nga aty deri në Pejë ka ardhur me një taksi, në qytetin e Pejës ishte takuar me dy (2) persona me të cilët ishte njohur ne Turqi.

Sipas viktimës njëri nga dy personat nën kërcënimin e armës i kanë grabitur njëmijë (1000) euro dhe një telefon mobil.

Viktimës i është ofruar tretman mjekësor edhe pse nuk kishte lëndime.

Gjatë hetimeve të zhvilluara nga hetuesit e Sektorit Rajonal për Hetime, te cilët kanë intervistuar pesë (5) dëshmitarë lidhur me rastin, me datë 12.02.2021, ne koordinim të plotë me Prokurorin e shtetit është arritur të provohet se viktima tani i dyshuari ka deklaruar rrejshëm, i dyshuari:

D.E.            lindur me 1985    shtetas Turk

Me urdhër të Prokurorit të shtetit rasti i ‘Grabitjes’ është cilësuar ‘Deklarimi rremë’.

Shfaq komentet
comments powered by Disqus
Sot mund të lexoni Shfletoni kopertinat