Një person ka marrë lëndime trupore nga një aksident që ka ndodhur mes dy veturave dhe një kamionete.
Aksidenti ka ndodhur në magjistralen Prishtinës-Gjilan në fshatin Slivovë.
Kështu bëri të ditur Flora Ahmeti, zëdhënëse e policisë për rajonin e Prishtinës.
“Rreth orës 09:00, është pranuar informata për një aksident trafiku rrugor të ndodhur në rrugën magjistrale Gjilan – Prishtinë respektivisht në fshatin Slivovë.Në aksident janë përfshirë një kamionetë dhe dy vetura”.
“Si pasojë e aksidentit një person ka pësuar lëndime trupore dhe të njëjtit i është ofruar ndihma mjekësore.Njësia rajonale e trafikut ka dalë në vendin e ngjarjes dhe po ndërmerr të gjitha veprimet e nevojshme për ndriçimin e shkaqeve që kanë sjellë deri te aksidenti”.
