Në Kumanovë nga mbrëmë në ora 21 është vendosur ndalesë dhe regjim i posaçëm i lëvizjes së popullatës. Përjashtimet për lëvizje vlejnë për policinë, armatën, punëtorët shëndetësorë të cilët punën e realizojnë pa pengesë.
Vendimin e solli Qeveria gjatë ditës së djeshme kurse ora policorë do të përfundojnë të hënën në ora 5 të mëngjesit.
Ndalesa e lëvizjes gjatë ditëve të punës, përkatësisht nga dita e hënë deri ditën e premte në Kumanovë do të nisë nga ora 16:00 dhe do të zgjasë deri në ora 5.
Barnatoret do të punojnë pa pengesa, ndërsa Ministria e Shëndetësisë do të përpunojë plan për punë pa pengesa edhe të enteve shëndetësore në rrethinën e Komunës së Kumanovës.
