Deputeti i LDK-së, Haxhi Avdyli, ka deklaruar se i dëgjon këngët e Taynas, më të cilën ka hyrë në polemika qysh dje për shkak të një kërkese që deputeti ka bërë që të ndalohen këngët që promovojnë substanca narkotike dhe dukuri tjera negative.
I pyetur në T7 nëse i dëgjon këngët e Taynas, e cila edhe vetë ajo u inkuadrua në emisionin “Frontal” përmes një lidhje direkte, u përgjigj se i ka dëgjuar.
Madje ai edhe i vlerësoi ato për ritëm.
“I dëgjoj, kanë një ritëm shumë të mirë”, tha deputeti i LDK-së.
Tutje, ai shtoi se në përgjithësi dëgjon muzikë argëtuese.
Në të njëjtin emision, këngëtarja Tayna përmes telefonit, falënderoi deputetin që dëgjon muzikën e saj. Ajo po ashtu tregoi se me deputetin Avdyli janë edhe fqinjë.