Kryetari i Këshillit Iniciues, Milan Stamatoviq,i ka kërkuar Kishës Ortodokse të Serbisë që në rast të ndryshimit të formatit të dialogut për Kosovën, pos Rusisë e Kinës, duhet të përfshihet edhe Vatikani.
Sipas tij Vatikani “nuk e njeh shtetin e rremë të Kosovës” si një nga qendrat më të fuqishme të krishterimit është i interesuar në gjendjen e popullatës së krishterë, ka thënë ai për të përditshmen serbe “Danas”.
“Vatikani është i interesuar për trashëgiminë e krishterë fetare dhe kulturore të Kishës sonë dhe pronën e të gjitha komuniteteve fetare në krahinën jugore serbe ” tha Stamatoviq.
Stamatoviq po ashtu i bëri thirrje Kishës serbe që të zhvendosë selinë e saj nga Beogradi në Pejë sa më shpejt që të jetë e mundur.
