Aktori i njohur, Fatmir Spahiu ka kërkuar nga kryeministri i vendit, Ramush Haradinaj, që ta pezullojë taksën ndaj mallrave serbe pas ultimatumit që e ka dhënë SHBA-ja me letrën e fundit të dërguar krerëve të Kosovës.
SHBA-të po këmbëngulin që Kosova ta pezullojë taksën ndaj mallrave serbe në mënyrë që të vazhdojë dialogu dhe që të arrihet një marrëveshje finale me Serbinë.
Në rast se Kosova nuk do ta pezullojë taksën atëherë priten sanksione të rënda nga SHBA-të.
Pas letrës së ashpër të publikuar më parë tani aktori i njohur, Fatmir Spahiu ka reaguar me anë të një postimi në Facebook.
Spahiu ka kërkuar nga Haradinaj që të dëgjojë këshillat e SHBA-ve dhe të pezullohet taksa ndaj mallrave serbe.
Ky është postimi i plotë:
“Kryeminister, pezulloje taksen. Na ke bo krenar me vendimin tend deri tash. Politikisht ke me dal mire nese e degjon keshillen e miqve te çmueshem. Kushdo qe te keshillon ndryshe keq e ka! Pezulloje burr se shkum posht,” shkruan Spahiu në Facebook.
