Trajkoviq ironizon me Radojciqin: “Qytetari i ndershëm” më paditi në Beograd - Bota Sot
Trajkoviq ironizon me Radojciqin: “Qytetari i ndershëm” më paditi në Beograd

Lajme

Trajkoviq ironizon me Radojciqin: “Qytetari i ndershëm” më paditi në Beograd

Më: 13 shtator 2019 Në ora: 19:27
Rada Trajkoviq

Nënkryetari i Listës Srpska, Milan Radojiçiq, i dyshuar për lidhje me vrasjen e politikanit Oliver Ivanoviq, e ka paditur në Gjykatën e Lartë në Beograd, politikanen serbe të Kosovës, Rada Trajkoviq.

Lajmin e ka bërë publik vetë Trajkoviq, në një postim në profilin saj në Twitter. Sipas saj padia është për dëmtim të nderit dhe reputacionit të Radojiçiqit.

Tutje ajo ka ironizuar me faktin që padia është bërë në Beograd, nga personi që, siç ka thënë, deri vonë ka pretenduar se është subjekt i sistemit të dajretësisë në Kosovë. Radojiçiqin e ka quajtur qytetar të ndershëm.

Më poshtë mund ta lexoni të plotë postimin e Trajkoviqit:

“Qytetari i ndershëm”, Milan Radojiçiq, që deri dje ka thënë se është subjekt i sistemit të drejtësisë së Kosovës, e jo të Serbisë, më ka paditur për “lëndim të nderit dhe reputacionit” në Gjykatën e Lartë në Beograd.

Avokati i tij është Goran Petronijeviq, mbrojtësi i vjetër i ekipit të Kosovës e Metohisë.

Jo kjo nuk është shaka.

P. S. Mbrohem me poligraf.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...