Vuçiq flet në telefon me Palmerin, zbulohet biseda - Bota Sot
Vuçiq flet në telefon me Palmerin, zbulohet biseda

Lajme

Vuçiq flet në telefon me Palmerin, zbulohet biseda

Më: 16 shtator 2019 Në ora: 20:31
Palmer, Vuçiq

Presidenti serb, Aleksandar Vuçiq, ka biseduar në telefon me të dërguarin special të SHBA-së për Ballkanin Perëndimor, Matthew Palmer.

Zyrtarit amerikan, Vuçiq i ka thënë se vendi i tij do të angazhohet për një kompromis të vërtetë dhe të qëndrueshëm në raport me Kosovën.

“Vuçiqi gjatë telefonatës, që është vazhdim i takimit të tyre në Nju Jork, ka përsëritur se do të vazhdojë të angazhohet për arritjen e një kompromisi të vërtetë e të qëndrueshëm për zgjidhjen e çështjes së Kosovës dhe Metohisë duke mbështetur interesat e serbëve të atjeshëm, sikurse edhe për ruajtjen e interesave shtetërore e nacionale të Serbisë”, citon B92 të ketë thënë Vuçiqi gjatë kësaj bisede me Palmerin.

Ndërkaq, është caktuar që të zhvillohet një takim mes Vuçiqit e Palmerit gjatë 10 ditëve të ardhshme.

Dy bashkëbiseduesit diskutuan edhe për gjendjen e përgjithshme rajonale dhe janë pajtuar që paqja dhe stabiliteti në Ballkanin Perëndimor është e një rëndësie thelbësore për përparimin politik dhe ekonomik të të gjithë rajonit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...