Detaje të reja janë shpalosur nga biseda telefonike që sot presidenti i Kosovës, Hashim Thaçi zhvilloi me shefin e ri të diplomacisë evropiane.
Sipas asaj që bëhet e ditur nga njoftimi, Borrell përveç me Thaçin ka folur edhe me presidentin serb, Akleksander Vuçiq.
Borrell me të dy presidentët ka folur për rëndësinë e vazhdimit të dialogut mes Kosovës dhe Serbisë.
Në këtë kontekst është kërkuar që të gjendet një zgjidhje për këtë temë, e cila ka mbetur e bllokuar pas vendosjes së taksës së qeverisë së Kosovës ndaj mallrave serbe.
Në postimin e mëhershëm të Thaçit, u bë e ditur se ai ka kërkuar nga Borrell që BE-ja të përmbush premtimin dhe obligimin e saj për liberalizimin e vizave për Kosovën.