Kryeministri i Malit të Zi, Dritan Abazoviç ka kërkuar që të mbahen sa më shpejt zgjedhjet e parakohshme parlamentare.
Euronews.rs shkruan se Abazoviç u shpreh se kjo duhet të ndodhë përmes një “procedure ligjore” dhe se “mënyra e duhur” është shkurtimi i mandatit të Parlamentit të Malit të Zi.
Sipas Abazoviçit, dekreti i presidentit Milo Gjukanoviç për shpërndarjen e Kuvendit dhe caktimin e zgjedhjeve më 11 qershor, nuk është në përputhje me atë procedurë, sepse ai duhet të dekretojë në bazë të disa vendimeve të mëparshme.
“Ato vendime duhet të pasojnë vendimet e parlamentit, të shumicës parlamentare, në të kundërtën, ai ka mundur ta nxjerrë atë dekret në gusht të vitit të kaluar, apo ndonjë ditë të vitit të kaluar apo këtë vit, e jo tri ditë para raundit të parë të zgjedhjet presidenciale kur të kontrollohet dhe puna e tij duke pasur parasysh se ai është një nga kandidatët”, theksoi ai.
