Ikona e filmit aksion, Jean-Claude Van Damme, ka dhënë një intervistë ekskluzive për emisionin Kojshia Show.
Ai në këtë emision pohoi se ndihet shumë i lumtur me vizitën e tij në Kosovë.
“Kur erdha në këtë vend, ndjeva shumë ndershmëri. Njerëz shumë të drejtë, shumë të ëmbël, mikpritës”, thotë Jean-Claude Van Damme.
Ai tha se është në dijeni se këtu ka shumë fansa.
“Faleminderit për gjithë ato vite që keni qenë pas meje, më keni mbështetur dhe për shkak të tyre mund të stërvitem edhe sot. Jam i lumtur që jam këtu, ju dua djema”, tha Van Damme.
“Të dua Kosovë”, tha në gjuhën shqipe ylli i filmave aksion.
I pyetur për miku e tij Aleksin, se a iu përngjanë heronjve tanë si Adem Jashari, Gjergj Kastrioti Skënderbeu, duke i thënë se beson që i njeh.
Miku tij Aleksi ia përkthen në gjuhën frënge ku i përmend Adem Jasharin dhe Skënderbeun, ndërsa Van Damme pohon me kokë se i njeh mirë, madje bën me gishtërinjtë e mëdhenj të duarve si shenjë admirimi për heronjtë shqiptarë.
“Të gjithë janë fantastikë, është një vend i bukur. Njerëzit erdhën të më shohin dhe jam i kënaqur me Aleksin në Kosovë, është mirë, sepse ai flet shumë mirë, natyrisht për këtë vend, ky njeri i mirë është një person i mirë”, ishin fjalët e Van Damme-s.
Kujtojmë se vizita e yllit të filmave aksion Jean-Claude Van Damme në Kosovë zgjoi një interesim të jashtëzakonshëm të qytetarëve dhe jo vetëm.
Fytyra të njohura publike janë takuar sot me të duke shpërndarë fotografi në rrjetet sociale.
Një e tillë u bë virale mes kryetarit të AAK-së, Ramush Haradinaj i cili shihet duke e përshëndetur ngrohtësisht artistin.
Haradinaj, tregoi se është ndjenjë e mirë që e ka takuar aktorin e njohur Van Damme.
Me yllin e Hollivudit u takuan edhe shumë personalitete të tjera të botës së artit, por nuk munguan edhe nga jeta politike.
