Kryetari i Iniciativës Qytetare “Mbijetesa serbe, Aleksandar Arsenijeviq, ”, është shoqëruar për në stacion policor për intervistim.
Kjo për shkak se i njëjti dyshohet se nuk respektoi urdhrat e zyrtarëve policorë.
Rasti raportohet të ketë ndodhur këtë të enjte.
Ai nuk i kishte prezantuar policisë dokumentacionin, konfirmon zëvendësdrejtori i Policisë në Mitrovicën e Veriut, Veton Elshani.
Po ashtu, Elshani theksoi se Arsenijeviq është liruar.
“Po është shoqëruar në polici, është dërguar në stacion për mosrespektim të urdhrit të zyrtarëve policorë, nuk e ka prezantuar dokumentacionin edhe veturën e ka pasur pa regjistrim, e më pas është liruar”, tha Elshani.
