55-vjeçarit që u vetëvra në Prizren, iu gjet edhe një fletore. Kështu mëson gazeta përmes burimeve të veta.
Burime tona thonë se në vendin e ngjarjes, përveç dokumenteve personale, është gjetur edhe një fletore.
Rasti tragjik ka ndodhur të dielën pas mesnate në rrugën “Kastriotët” në Prizren.
Ai ia vuri flakën vetes brenda një veture të tipit “Golf 2”.
Viktima dyshohet të jetë Sh.K. i lindur në vitin 1968 nga fshati Jeshkovë, Prizren, ka pohuar Policia e Kosovës përmes një njoftimi publik të hënën.
Për veturën që po digjej, policia informatën e ka pranuar rreth orës 01:20.
Patrullat policore kanë shkuar në vendngjarje dhe nga nga informatat e para nga aty kanë kuptuar se një person gjendet në veteurë e cila tanimë ishte e djegur plotësisht bashkë me viktimën.
Nga hetimet e para dyshohet se viktima ka bërë vetëvrasje.
Me urdhër të prokurorit rasti cilësohet “Vdekje e dyshimtë” dhe mbetjet nga trupi i pa jete dërgohen në Institutin e Mjekësisi Ligjore në Prishtinë për ekzaminim.
