Nuk janë të rralla rastet kur zyrtarët policorë ballafaqohen me kërcënime serioze nga qytetarë në qytete të ndryshme të Kosovës. Shpeshherë kërcënimet verbale eskalojnë edhe në ngacmime e sulme fizike ndaj tyre.
Një rast i tillë ka ndodhur në Graçanicë, ku një 48-vjeçar po dyshohet se e ka sulmuar një zyrtare policore (emër i njohur për redaksinë), pas një mosmarrëveshje momentale që kanë pasur.
I dyshuari kishte tentuar t’i shes dru polices me zor dhe përkundër refuzimit të saj, ai ka shkuar më tej, duke e kapur me forcë dhe për pasojë i ka shkaktuar lëndime trupore.
Rasti është iniciuar në Polici dhe si rezultat njësitë përkatëse kanë intervenuar në vendin e ngjarjes.
Të njëjtat burime thonë se i dyshuari është arrestuar dhe shoqëruar në stacion policor, ku është intervistuar lidhur me rastin.
Ndaj tij, Prokurori i Shtetit ka urdhëruar masën e ndalimit policor, nën dyshimin se ka kryer veprat penale “Sulmi” dhe “Ngacmimi”
