Sot promovohet libri i Mehmet Hajrizit, “Bir i Atdheut”, kushtuar dëshmorit të kombit, Naser Hajrizi.
Libri nëpërmjet një rrëfimi autentik, paraqet zhvillimet historike të fillimit të viteve tetëdhjetë të shekullit të kaluar në Kosovë dhe jetën e veprën e dëshmorit, Naser Hajrizi, i rënë në ballë të demonstratës së 2 prillit 1981, në qendër të Prishtinës, së bashku me shokun e idealit, Asllan Pirevën.
Autor i librit është veprimtari i njohur i çështjes kombëtare, Mehmet Hajrizi.
Promovimi i librit bëhet në Bibliotekën Kombëtare të Kosovës, duke filluar nga ora 12:00.
