Në Bibliotekën Kombëtare në Prishtinë u promovuan dy vëllimet poetike kushtuar Presidentit Rugova - fytyrës më të ndritshme në historinë kombëtare - Bota Sot
Në Bibliotekën Kombëtare në Prishtinë u promovuan dy vëllimet poetike kushtuar Presidentit Rugova - fytyrës më të ndritshme në historinë kombëtare

Libra

Në Bibliotekën Kombëtare në Prishtinë u promovuan dy vëllimet poetike kushtuar Presidentit Rugova - fytyrës më të ndritshme në historinë kombëtare

Nga: Hasan Hasanramaj Më: 25 dhjetor 2018 Në ora: 12:29
Pamje nga promovimi të dy vëllimeve kushtua dr. Ibrahim Rugovës me titullin "Epoka e Mendjendriturit’’ të shkrimtarit Fadil Curri

Në Bibliotekën Kombëtare  në Prishtinë, në pranin e dashamireve të librit, u bë promovimi i dy vëllimeve poetike dedikuar presidentit në amshim dr. Ibrahim Rugovës me titullin "Epoka e Mendjendriturit’’ të shkrimtarit Fadil  Curri. Në fjalën e tij kushtua promovimit të këtyre dy poemave prof dhe autori i shumë veprave letrare  recensenti Zymer Mehani në mes tjerash tha:Të flasësh për ngjarje të rëndësishme historike, apo për ndonjë figurë të shquar kombëtare, sa është privilegj, po aq është edhe përgjegjësi. E guximin për të shkruar për njërën nga figurat më të rëndësishme të popullit të Kosovës, për presidentin historik të Republikës së Kosovës, dr. Ibrahim Rugova, e pati poeti ynë i talentuar, z. Fadil  Curri. Vëllime të  cilit po i promovojmë tani të cilat

këto ditëve dolën nga shtypi - nxori përmbledhjen  me titullin “Epoka e mendjendriturit”, në dy vëllime, e cila është një poemë që i kushtohet presidentit dr. Ibrahim Rugovës dhe vizionit të tij. Për ta shkruar këtë poemë, poeti Curri frymëzimin e gjeti në personalitetin e dr. Ibrahim Rugova dhe në besimin e patundur të tij, që kishte ndaj vlerave  perëndimore. Ishte ky besim për ndërtim të një shteti qytetar, i cili Kosovën, në fund të viteve ’90 të shek. XX,kur  Kosovën e shndërroi në një qendër të vëmendjes ndërkombëtare. Këtyre fakteve u qëndroi besnik dhe diti si t’i shfrytëzojë për ndërtimin e poemës së tij edhe shkrimtarit, Fadil Curri.

Vetë Ibrahim Rugova kishte zemër artisti, sepse ai ishte edhe shkrimtar dhe studiues i letërsisë. Ai në fund të viteve ’80 të shekullit të kaluar, qe i gatshëm për t’i prirë partisë më të madhe në vend, që pastaj u shndërrua në lëvizje gjithë popullore, duke u bërë kështu lider i saj, por edhe lider i vendit. Ishte kjo lëvizja e parë në Ballkan, që iu kundërvu regjimit totalitar komunist, duke e konsideruar komunizmin si një të keqe shumë të dëmshme, si në aspektin kombëtar, po ashtu edhe në aspektin ideologjik. E ky ishte fakt i mjaftueshëm dhe një shkas për ne shqiptarët e Kosovës, që të jemi të parët në ish-Jugosllavi, që të distancohemi nga ky regjim totalitar. Merita të padiskutueshme për këtë hap të rëndësishëm politik dhe për mënyrën se si e orientoi popullin e Kosovës pati dr. Ibrahim Rugova. E të gjitha këto pikëpamje dhe fakte për presidentin Ibrahim Rugova, poetit, Fadil Curri do t’i mjaftonin për ta përjetësuar në varg një figurë të tillë me përmasa kaq të mëdha kombëtare, por edhe ndërkombëtare.

                                                      1

Rugova  me urtësinë, guxim dhe vizionin  arriti ta bashkojë dhe e udhëhoqi popullin e Kosovës kundër shovinisteve serbe

 

Figurë qendrore në poemë, është Ibrahim Rugova dhe shumë figurave të tjera përmenden dhe ravijëzohen në vargjet e poetit Curri, duke mos harruar as figurat e miqve ndërkombëtarë, që bënë shumë për lirinë tonë, siç janë Bil Klinton, Bushi Bleri dhe shume figurave tjera të burrave të shteteve mike të Kosovës. Poeti Curri ka përjetësuar në varg një figurë të rëndësishme të popullit shqiptare, por edhe një pjesë të historisë së Kosovës, së cilës  i mbetet besnik me përshkrimin real që i bën.

Shkrimtari Curri me penën e tij, dr. Rugovën e paraqet si njeri të shekujve. Prandaj edhe me të drejtë thotë se patëm fatin të jemi në këtë jetë, kur dr. Rugova po kryente misionin e tij të shenjtë, ngase ai me urtësinë, guximin dhe vizionin që kishte, arriti ta bashkojë dhe e udhëhoqi popullin tonë të shtypur nga thundra shoviniste serbe, duke u përcaktuar për zgjidhjen më të mirë të problemeve kaq të vështira, vetëm me gjuhën e dialogut dhe ideve të pastra paqësore që buronin nga shpirti i tij, duke u bërë simbol kombëtar, por edhe ndërkombëtar i qëndresës paqësore të popullit të tij. Autori i këtyre dy poema në vargjet e tij të skalitura mjeshtërisht na e ravijëzon portretin e këtij biri të denjë të popullit tonë, me të cilin të gjithë shqiptarët duhet të jenë krenarë, ngase ai ishte i sinqertë dhe gjërat i shihte ashtu si ishin, pa ndikime euforike apo politike-  tha në vazhdim të fjalës së tij-prof. Zymer Mehani

Presidenti Rugova, për gjashtëmbëdhjetë vjet rresht i dha shpresë populli të Kosovës në ditët me të vështira i cili nuk do të harrohet kurrë’’...

Në poemë Rugova cilësohet si ikona e pavarësisë, si Presidenti i Parë i Kosovës, njeriu që për gjashtëmbëdhjetë vjet rresht i dha shpresë këtij populli, edhe atëherë kur ka qenë kohë shumë e vështirë për të shpresuar, por që me vizionin e tij plot optimizëm që po e shihte Presidenti ynë, si dhe me largpamësinë e tij, na pruri këtu, ku jemi.

Në vëllimin “Epoka e Mendjendriturit” të poetit Fadil H. Curri, Presidenti Ibrahim Rugova mbetet fytyra më e ndritshme në historinë e kombit tonë, për çka poeti ka mall, dhimbje dhe mburrje, ngase ai ishte një udhërrëfyes që la mbresa dhe nota optimizmi e paqeje për të ardhmen tonë. Prandaj si i tillë, dr. Rugova na del edhe në poemën e poetit Curri, njeri që i dha shpirt dhe shpresë për jetë popullit të Kosovës. Poema  tregon edhe momentet më të dhimbshme, kur Dr. Rugova ndërron jetë, ky Vizionar i Pavarësisë së Dardanisë historike, që i udhëhoqi shqiptarët e Kosovës drejt dritës së lirë. Lideri shqiptar që më së miri e njohu dhe e ruajti popullin e vet.

Sipas vargjeve të poemës, Presidenti Rugova, si bir i këtij populli, ia kushtoi gjithë jetën e tij lirisë dhe pavarësisë së Kosovës. Po ashtu poeti Curri rikujton se sa herë përmendej emri i Rugovës, nënkuptohej pavarësia e Kosovës. Madje ai cilësohej dhe vlerësohej mjaft lart, si  profet i kombit shqiptar. Prandaj, duke qenë i tillë, me rastin e vdekjes së tij, kombi mbarë dhe Kosova humbën fizikisht birin më të dashur, arkitektin e pavarësisë së Kosovës, kolosin dhe atdhetarin më të devotshëm në historinë tonë më të re. E tillë pra, na del figura e Rugovës në vargjet e poemës “Epoka e Mendjendriturit” të poetit Fadil H. Curri.

Nga vargjet e poemës gjithnjë rikujtojmë se humbja e presidentit tonë dr. Ibrahim Rugova është një humbje e madhe për të gjithë ata që e ndiejnë veten shqiptarë.

Gjithnjë nga vargjet e poemës “Epoka e mendjendriturit” të poetit Fadil H. Curri, ashtu siç edhe ishte në realitet, Dr. Rugova e siguroi vendin e vet në historinë e Kosovës, ngase biografia e tij është tipike e një heroi dhe humbja e Rugovës është humbja më e madhe që populli shqiptar ka patur ndonjëherë. Vdiq pa e parë Kosovën të pavarur, mu kur ishte koha për t’u marrë vendimi. Kosova pati fatin që pati një njeri kaq të madh. Ai luftoi me të gjitha forcat e tij për të drejtat e popullit shqiptar për vendosjen e paqes pa dallim feje. Ai do të mbetet një figurë e shkëlqyer për të gjithë brezat e ardhshëm.

Historia jonë e re tregon, ashtu siç përshkruhet edhe në poemën “Epoka e mendjendriturit” të poetit Fadil H. Curri se Dr. Ibrahim Rugova përdori urtësinë e tij për t'i vënë themelet shtetit të ri të Kosovës. Ai bëri të njohur Kosovën dhe të vërtetën për Kosovën në botë, me filozofinë e tij të urtë e të mençur, ai alarmoi Perëndimin dhe botën demokratike, për atë që po ndodhte në Kosovë. Gjuha e poemës është e pastër. Vargu është  plot rimë që poemës i jep muzikalitet.. Më të realizuarat janë krahasimi, metafora dhe hiperbola, por ka edhe figura të tjera. Vëllimet I, II të poemës “Epoka e mendjendriturit”, përkushtim për Presidentin Historik të Kosovës, dr. Ibrahim Rugovën...

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
test
Tjera