Është e vështirë ta përshkruash saktësisht se ndihet dikush që është tradhtuar, por për çudinë e askujt, mund të përmblidhet me një fjali: Është e tmerrshme, e shëmtuar dhe e dhimbshme. Pavarësisht se sa kohë keni bashkë dhe sa serioze është marrëdhënia, njerëzit janë gjithmonë njerëzor, që do të thotë se ata bëjnë gabime. Por nëse dashuria është më e fortë dhe dëshironi ta falni partnerin/en pasi ju ka tradhtuar, a mund t’ia dilni që të funksionojë sërish?
Falja nuk është diçka e lehtë, veçanërisht kur bëhet fjalë për tradhtinë. Është normale të ndiheni të tradhtuar, të lënduar dhe të gënjyer, por ndonjëherë, nëse ka ende shumë dashuri midis të dy njerëzve të përfshirë në marrëdhënie, mund të jetë me vlerë që të luftoni.
Nëse partneri/ja ka qenë i mrekullueshëm deri në atë moment dhe kurrë nuk ka bërë diçka të tillë, mund të konsideroni ta zgjidhni problemin në vend që t'i jepni fund marrëdhënies. Ndonjëherë, tradhtia është pasqyrim i një problemi më të madh që ekziston. Sidoqoftë, dinamika e marrëdhënies duhet të përmirësohet.
Hapi i parë: Pranimi
Sipas terapistes së martesës dhe familjes, Nicole Richardson, do të duhet ta pranoni atë që ka ndodhur në mënyrë që të falni. "Pranimi dhe falja nuk janë gjëra që ndodhin brenda natës, dhe të dy palët duhet të jenë të durueshëm," tha ajo për Elite Daily.
Hapi i dytë: Detajet
Të mësoni detaje të vogla në lidhje me tradhtinë nuk është e këndshme, por është e nevojshme në mënyrë që të keni një pamje më të qartë të asaj që ka ndodhur. Richardson gjithashtu thotë se mund të jetë e nevojshme që t'ju tregojnë tekste ose mesazhe të rrjeteve sociale. Njohja e detajeve mund t’ju lëndojë, por nëse doni të falni dhe të vazhdoni më tej, merrni parasysh përfitimet që ofron informacioni.
Për shembull, të dish se kur filloi lidhja e partnerit/es mund të të ndihmojë të përcaktosh gjendjen e marrëdhënies tënde në atë kohë.
"Ekzistojnë lloje të ndryshme të mashtrimit," thotë Richardson. "Emocionale, seksuale, një kombinim i të dyjave. Çfarë lloji është më i dëmshëm për ju? A ndiheni sikur mund ose do të donit t'i besonit përsëri partnerit tuaj?"
Ka rëndësi të vendosni në peshore se si e mësuat tradhtinë. A erdhi ai/ajo dhe jua tha? Apo ishin ju që e zbualuat? Kjo mund të tregojë shumë.
Hapi i tretë: Mendo çfarë shkoi gabim
Para se të futemi në këtë "hap" të veçantë të faljes, është jashtëzakonisht e rëndësishme të mbani mend se pabesia e partnerit nuk ishte faji juaj. Ju nuk keni bërë asgjë të gabuar, as nuk keni bërë asgjë për të merituar atë që ka ndodhur.
Thënë kjo, ia vlen të merrni pak kohë për të konsideruar që, nëse partneri/jatradhtoi, kjo mund të jetë për shkak se marrëdhënia juaj nuk ishte aq solide sa mund të kishit menduar se ishte. Mund të jetë shkëputje emocionale, mund të jetë dëshira e ndryshme seksuale etj.
Hapi i katërt: Mendo për anën tjetër
Është tepër e lehtë të mendosh për marrëdhënien vetëm ashtu - një marrëdhënie. Por është po aq e rëndësishme (nëse jo më shumë!) ta shihni partnerin/en si një person dhe të vlerësoni nëse është dikush që mund ta falësh.
A është ky person i mirë? A është i besueshëm? A keni miq që e mbështesin marrëdhënien?
Hapi i pestë: Merr kohën tënde
Falja e vërtetë nuk ndodh brenda natës. Mund të duhen muaj, apo edhe vite, që ju dhe partneri/ja të riktheheni në të njëjtën gjendje si më parë dhe të forconi marrëdhënien. Në mënyrë që të arrini faljen e vërtetë - llojin e faljes që përfshin ta vendosni plotësisht këtë çështje pas jush dhe ta lini inatin - ju duhet kohë.
"Nëse keni ndërmend ta ndëshkoni, të dy do të vuani", thotë Richardson. "Nëse partneri/ja nxiton që ju ta ‘kapërceni tradhtinë', pakënaqësia ka të ngjarë të qëndrojë gjatë. Nëse të dy e shihni si një provë për lidhjen që doni ta provoni dhe ta kapërceni bashku, marrëdhënia mund të mbijetojë.”
Hapi i gjashtë: Falja nuk nënkupton që të jeni bashkë
Edhe nëse është e mundur që ta falni partnerin/en, mund të mos jeni në gjendje të qëndroni me të në mënyrë romantike dhe kjo është në rregull! Kjo nuk do të thotë që nuk keni luftuar për marrëdhënien, ose se keni hequr dorë prej saj. Falja është mjaft e vështirë ashtu siç është dhe të jesh në gjendje të bësh pikërisht atë është një arritje e madhe. Ju mund ta falni plotësisht dhe të shëroheni plotësisht emocionalisht nga tradhtia, por të mos jeni në gjendje të vazhdoni lidhjen.
Qëllimi është falja e cila është thelbësore për mirëqenien mendore dhe emocionale. Sapo të ndërmerrni atë hap, jeni të lirë të bëni gjithçka që dëshironi të bëni, pavarësisht nëse do të ktheheni së bashku ose do të ndaheni paqësisht.
