Dushi para punës, është një zakon që ka ndryshuar për shkak të pandemisë.
Kjo ka ndryshuar edhe në Lituani, ku shumica e njerëzve janë duke punuar nga shtëpia për shkak të pandemisë.
Duke theksuar se ka pasur një ndryshim në zakonet e përditshme të njerëzve, Qendra e Kontrollit të Ndërmarrjes Qendrore të Ngrohjes në Vilnius, e cila monitoron konsumin e ujit të nxehtë në 220,000 familje në qytet, deklaron se konsumi më i lartë është tani më vonë në mëngjes, Reuters raportuar.
“Konsumi më i lartë i ujit të nxehtë gjatë ditëve të javës ishte gjithmonë midis orës 6 dhe 8 të mëngjesit, pra para punës, por tani konsumi më i lartë është midis orës 10 dhe 11. Kjo është padyshim për shkak të pandemisë,” tha CEO i kompanisë Gerimantas Bakanas.
“Shumë njerëz punojnë nga shtëpia dhe padyshim që kur ngrihen nuk bëjnë më dush,” shtoi ai.
Lituania është në izolim që nga dhjetori.
Dyqanet, restorantet dhe zyrat janë të mbyllura dhe fëmijët studiojnë në distancë, kështu që njerëzit kryesisht qëndrojnë në shtëpi.
“Tani ngrihemi, përgatisim mëngjesin për fëmijët dhe bëjmë disa detyra në kompjuter, dhe pas kësaj, rreth orës 10.00, hajmë mëngjes dhe bëjmë dush”, Rimgaudas Leonavicius, i cili jeton me gruan e tij, tre fëmijë dhe dy qen në pjesa historike, e vjetër e Vilniusit.
Ai thekson se përpara izolimit ishte ndryshe, pasi dushi vinte në rradhë të parë, ndërsa tani asnjë nuk e merr me ngut atë.
