Një gur i çmuar 15,81 karat, i quajtur “Sakura”, u shit për 29.3 milionë dollarë në Hong Kong për t’u bërë diamanti më i shtrenjtë vjollcë-rozë i shitur ndonjëherë në ankand.
I emëruar mëruar pas fjalës japoneze për lulëzimin e qershisë, është diamanti më i madh i këtij lloji që është punuar, sipas Christie, shtëpia e ankandit e cila bëri shitjen, raporton CNN.
Guri, i cili është vendosur në një unazë të thjeshtë platin, është klasifikuar si i përsosur, që do të thotë se çdo njollë është e dukshme vetëm nën zmadhim.
Në një deklaratë për shtyp, kryetari i departamentit të bizhuterive të Christie, Vickie Sek, përshkroi shitjen e së dielës si një “kapitull të rëndësishëm në historinë e ankandit të stolive”.
Madhësia e gurit të çmuar gjithashtu e bëri atë një zbulim të pazakontë, me Christie duke vërejtur se më pak se 10% e diamanteve rozë peshojnë më shumë se 0.2 karat.
“Sakura” theu rekordin e ankandit për një diamant vjollcë-rozë, të vendosur vitin e kaluar nga një gur 14.8 karat, i quajtur “Fryma e Trëndafilit”, që arriti në gati 27 milion dollarë në Sotheby’s në Gjenevë.
