GABIMI I PARË: TËRHEQJA E LËKURËS SË SYRIT GJATË APLIKIMIT TË 'EYELINER'-IT
Ky është gabimi më i madh, pasi që tërheqja e kësaj pjese të lëkurës bën që lëkura të lëshohet dhe si rrjedhojë të shfaqet një shenjë e pleqërisë së parakohshme. Kjo pjesë e lëkurës duhet trajtuar me shumë kujdes. Zgjidhja: Vendoseni një pasqyrë në nivelin e gjoksit, mbajeni mjekrën lart dhe shikohuni në pasqyrë gjatë kohës kur e aplikoni 'eyeliner'-in.
GABIMI I DYTË: APLIKIMI I 'EYELINER'-IT NË GJITHË ZONËN E SYRIT
Aplikimi i 'eyeliner'-it në mënyrë të barabartë në gjithë pjesën e syve bën që sytë tuaj të duken më të vegjël sesa që janë në të vërtetë. Zgjidhja: Aplikoni 'eyeliner' vetëm në skajin e jashtëm të linjës së qerpikëve të epërm. Shmangeni aplikimin e 'eyeliner'- it në vijën e poshtme të qerpikëve, në mënyrë që sytë tuaj të duken më të mëdhenj.
GABIMI I TRETË: DREDHIMI I QERPIKËVE PAS APLIKIMIT TË 'EYELINER'-IT
Dredhimi i qerpikëve, pas aplikimit të 'eyeliner'-it dëmton rëndë produktin e vendosur në afërsi të syve, duke krijuar kështu një dukje jo të mirë të syve. Zgjidhja: Fillimisht dredhoni qerpikët, lërini të ftohen dhe përfundimisht aplikojeni 'eyeliner'-in.
GABIMI I KATËRT: PËRDORIMI I LAPSAVE TË THARË TË SYVE
Lapsi i syve, që është tejet i tharë, dëmton sytë tuaj, tërheq lëkurën dhe krijon shenja në lëkurë. Zgjidhja: Sigurohuni që lapsi që e përdorni të lëshojë produkt në formë kremi. Nëse lapsi shfaq shenja të tharjes, nxeheni me shkrepës për disa sekonda, para se ta përdorni.
GABIMI I PESTË: PËRDORIMI I LAPSIT TË ERRËT NË LINJËN E QERPIKËVE TË EPËRM
Lapsi i syve me ngjyrë të errët - ai me ngjyrë të zezë apo ngjyrë kafe - krijon përshtypjen e syve të lodhur. Zgjidhja: Provoni laps të syve me ngjyrë bezhe për të bërë që sytë tuaj të duken më natyralë dhe më të mëdhenj.
GABIMI I GJASHTË: PËRDORIMI I 'EYELINER'-ËVE TË PAPËRSHTATSHËM
Mos përdorni vetëm një lloj të 'eyeliner'- ëve. Stileve të ndryshme të 'eyeliner'-ëve iu përshtaten lloje të ndryshme të produkteve, andaj zgjidhni me kujdes produktet që mëtoni t'i përdorni. Zgjidhja: Për një dukje natyrale, në përditshmëri, përdorni 'eyeliner' në formë lapsi. 'Eyeliner'-ët në formë xheli përdoren për të krijuar një dukje më dramatike të syve, ndërsa 'eyeliner'-ët e lëngët përdoren për krijimin e syve sikur të maces.
