Blerja e të brendshmeve është kënaqësi më vete, por po ashtu duhet të jetë edhe hedhja e tyre në kohën e duhur. Kur është momenti për të flakur mbathjet që keni dhe për t'i zëvendësuar me të reja? Në të gjitha situatat më poshtë:
Materiali i tyre shkakton aromë të pakëndshme
Materiali i tyre mund të jetë një sintetik jo i mirë, që i mban papastërtitë në sipërfaqe, duke i vënë mikrobet në kontakt me lëkurën gjenitale.
Kur edhe pasi i lani, mbeten njolla të verdha
Nuk është faji i detergjentit; është faji i copës së mbathjeve tuaja. Ajo është aq jo-cilësore saqë jo vetëm i mbledh papastërtitë, por ato ngecin nëpër të, dhe s’ka enzima që të mund t’i largojnë prej tyre.
Kur pasi i lani, shikoni një njollë çngjyrosjeje
Sekrecionet femërore përmbajnë aciditet, dhe mbathjet cilësore janë prodhuar me material që të mos çngjyrosen nga mukoza gjenitale. Nëse mbathjet duken si të jenë të çngjyrosura me acid, duhet t’i zhdukni menjëherë.
Kur shihni se u ka dalë ngjyra
Një copë që i del ngjyra shpejt nuk duhet veshur as në bluzë, aq më pak të veshësh mbathje boja e të cilave është aq e keqe, saqë mund të shkojë aty ku nuk duhet.
Kur zgjerohen dhe ju varen
Në këtë rast, hidhini menjëherë. Materiali i tyre nuk është bërë për t’ju mbrojtur! Duke mos ju mbuluar siç duhet, lejojnë hyrjen e mikrobeve.
Kur janë tepër të ngushta
Në këtë rast ju krijojnë irritime duke u fërkuar me lëkurën rreth organit dhe kofshëve. Këto irritime mund të shndërrohen në infeksione shumë të rrezikshme, pasi pjesa e skuqur/enjtur e lëkurës dobësohet duke humbur substancat që e mbrojnë.
Kur kujtoheni që i keni blerë prej shumë kohësh
Nuk mund t’i mbani mbathjet më shumë se 1 vit e gjysëm! Kujdesuni të bleni mbathje të reja herë pas here, dhe hidhini ato që keni shumë kohë që i përdorni.
Kur janë thjesht të bukura, por jo funksionale.
Flasim për ato dantellat e bukura, të kuqe, me lule, gurë etj etj. Të themi atë që është, ato nuk duhen hedhur sepse janë shumë seksi, por nuk janë bërë për t’i mbajtur 12 orë veshur nëpër rrugët e Tiranës plot tym, pluhur dhe mbeturina që shpërbëhen në ajër.
