Një gjinekolog malajzian ka krijuar prezervativin e parë unisex në botë që mund të përdoret nga femrat apo meshkujt dhe është bërë nga një material mjekësor që përdoret zakonisht si një veshje për lëndimet dhe plagët.
Shpikësi i tij shpreson se Prezervativi Unisex Wondaleaf do t'i fuqizojë njerëzit të marrin kontroll më të mirë të shëndetit të tyre seksual, pavarësisht nga seksi apo orientimi i tyre seksual.
"Është në thelb një prezervativ i zakonshëm me një mbulesë ngjitëse," tha John Tang Ing Chinh, një gjinekolog në firmën e furnizimeve mjekësore Twin Catalyst. “Është një prezervativ me një mbulesë ngjitëse që ngjitet në vaginë ose penis, si dhe që mbulon zonën për mbrojtje shtesë.”
Ngjitësi aplikohet vetëm në njërën anë të prezervativit, shtoi ai, që do të thotë se mund të rikthehet dhe të përdoret nga secila gjini.
Çdo kuti Wondaleaf përmban dy prezervativë dhe do të kushtojë rreth 3-4 dollarë.
Tang i bën prezervativët duke përdorur poliuretan, një material i përdorur në veshjet transparente për plagët, që është i hollë dhe fleksibël, por i fortë dhe i papërshkueshëm nga uji.
Tang tha se Wondaleaf kishte kaluar nëpër disa raunde të kërkimit dhe testimit klinik dhe do të jetë në dispozicion për shitje në faqen e internetit të firmës këtë dhjetor.
