Ndarjet mund të thyejnë vërtet zemrat e vajzave. Por disa studime të fundit mësuan se meshkujt mund të jenë më të shkatërruar se femrat pas ndarjes. Ata janë gjithashtu më emocionalë kur bëhet fjalë për të diskutuar për dhimbjet e zemrës (po, ata flasin edhe për këtë.)
1.Meshkujt kanë më shumë gjasa të kërkojnë ndihmë për marrëdhënie në internet.
Për mbledhjen e të dhënave të tyre, shkencëtarët shqyrtuan postimet e mbi 184,000 njerëzve në “Reddit” (një forum diskutimi në internet). Gjetjet e tyre zbuluan se rreth 55% e përdoruesve që kërkuan ndihmë për problemet e tyre të dashurisë ishin burra, ndërsa vetëm rreth 45% ishin femra. Rezultatet zbuluan gjithashtu se “dhimbja e zemrës” ishte tema më e zakonshme në postime. Tema të tjera si koha, cilësitë personale, problemet e besimit dhe intimiteti u diskutuan gjithashtu.
2.Studiuesit besojnë se anonimiteti në platformë i ndihmoi burrat të shprehin lirshëm emocionet e tyre.
Stereotipi i vjetëruar i “burrërisë”, ose ideja se “djemtë nuk qajnë”, ka ndikuar disi në mënyrën se si ata flasin për ndjenjat e tyre. Siç u shpreh një përdorues i “Reddit” në një forum tjetër se “Djemtë nuk duhet të shprehin trishtim ose të shqetësohen, kështu që ne zakonisht e mbajmë atë për vete sepse duhet. Asnjë nga miqtë tanë nuk dëshiron të dëgjojë se sa e keqe është dhe se ne do të dëshironim të kishim bërë gjërat ndryshe”. Ekipi tha se “natyra anonime, e përshtatshme dhe gjerësisht e aksesueshme” e “Reddit” i lejoi meshkujt (të cilët ishin kryesisht të rinj) “të zhvishnin” shpirtin e tyre. Gratë, nga ana tjetër, kanë më shumë gjasa të kërkojnë ndihmë ballë për ballë ose të shkojnë në terapi.
3.Burrat ishin më emocionalë për dhimbjet e tyre në krahasim me gratë.
Kjo mund të duket paksa e dyshimtë, por bazuar në të dhënat shkencore të ekipit, djemtë diskutuan tema që kishin të bënin me dhimbjet e zemrës, takimet, festimet dhe cilësitë personale. Ndërkohë zonjat folën më shumë për shqetësimet e tyre për keqtrajtimin, financat, distancën dhe punët e shtëpisë. Charlotte Entwistle, autorja kryesore e studimit, tha: “Fakti që tema e ‘dhimbjes së zemrës’ diskutohej më shpesh nga burrat, thekson se si burrat janë të paktën po aq të prekur emocionalisht nga problemet e marrëdhënieve sa gratë”. Studiuesit vunë re gjithashtu se shumica e djemve kërkuan mbështetje ndërsa problemi ishte ende në fazën e hershme. Vajzat, nga ana tjetër, ishin të prirura të kërkonin ndihmë kur kriza ishte tashmë e rëndë.
4.Burrat dukeshin më të sigurt në marrëdhëniet e tyre sesa gratë.
Gjuha e përdorur nga çdo gjini zbuloi gjithashtu modele të caktuara. Gratë thuhet se përdorën më shumë gjuhë të përqendruar te vetja dhe kishin më shumë emocione negative në postimet e tyre. Kjo i bëri ata të besonin se zonjat ishin kryesisht në gjendjen e lidhjes që karakterizohet nga dyshimi në vetvete, që zakonisht rezulton në pasiguri dhe ankth.
Në të kundërt, burrat përdornin më shumë “ne”, shenjat që ishin në përputhje me një gjendje të sigurt lidhjeje, e cila përfshin besimin dhe ndjenjat pozitive për marrëdhënien. Megjithatë është gjithashtu e rëndësishme të theksohet se përdoruesit që u identifikuan me gjendjen e lidhjes shpërfillëse ose ata që nuk i vlerësojnë marrëdhëniet ishin kryesisht burra.
5.Studiuesit shpresojnë se këto gjetje do të korrigjojnë disa ide negative për burrat.
Studiuesi kryesor Dr. Ryan Boyd beson se studimi sfidoi idetë e zakonshme rreth dallimeve gjinore kur bëhet fjalë për marrëdhëniet heteroseksuale. Ai tha: “Kur largojmë idenë tradicionale shoqërore ndaj burrave për kërkimin e ndihmës dhe ndarjen e emocioneve të tyre… ata duken po aq të dhënë për të punuar në marrëdhëniet e tyre po aq sa gratë.”
