Të kesh pak qime në fytyrë është e zakonshme dhe normale. Por në disa raste, në fytyrën tuaj mund të shfaqen qime të errëta dhe të ashpra dhe ju mund ta gjeni veten duke iu drejtuar piskatores pothuajse çdo ditë. Kjo gjendje e pakëndshme quhet hirsutizëm dhe shpesh shkaktohet nga një çekuilibër hormonal. Edhe pse depilimi dhe heqja e qimeve me lazer mund të ndihmojnë për të hequr qafe qimet e padëshiruara, ka disa mënyra natyrale për t'i reduktuar ato që mund të jenë po aq efektive.
1. Pini çaj mente.
Çaji i mentes ka erë dhe shije të mrekullueshme, dhe përveç qetësimit të nervave, mund të zvogëlojë numrin e hormoneve mashkullore. Studimet kanë treguar se pirja e 2 filxhanëve çaj mente në ditë mund të ngadalësojë rritjen e qimeve në fytyrë.
2. Provoni vajrat e livandës.
Vajrat esencialë janë përdorur për kujdesin e lëkurës dhe bukurinë për shumë vite, dhe disa prej tyre mund të jenë mjaft efektive kundër qimeve të padëshiruara të fytyrës. Aplikimi lokal i vajrave të livandës është vërtetuar se zvogëlon sasinë e qimeve të tepërta.
3. Përpiquni të eliminoni yndyrnat.
Biskotat e shijshme me çokollatë mund t'ju përmirësojnë humorin, por përveç rritjes së niveleve të kolesterolit dhe rritjes së rrezikut të sëmundjeve të zemrës, yndyrnat trans që pëmbajnë këto ushqime, mund të kontribuojnë në rritjen e qimeve të padëshiruara.
4. Gjeni kohë për t'u ushtruar.
Qëndrimi aktiv është një nga gjërat më të mira që mund të bëni për mirëqenien tuaj të përgjithshme dhe investimi i rreth 30 minutave në ditë në ushtrime me intensitet të moderuar do t'ju ndihmojë të kontrolloni peshën tuaj dhe të mbani qimet e trupit nënkontroll. Për shkak se të qenit mbipeshë kontribuon në rritjen e tepërt të qimeve në fytyrë, humbja e vetëm 5% të peshës trupore mund të balancojë hormonet tuaja dhe të zvogëlojë qimet në fytyrë.
5. Pini mjaftueshëm ujë.
Të qenit i hidratuar është absolutisht thelbësore për shëndetin dhe bukurinë tuaj. Pirja e mjaftueshme e ujit përmirëson metabolizmin, ndihmon lëkurën tuaj të qëndrojë më e re përdhe ofron shumë përfitime të tjera shëndetësore, duke përfshirë parandalimin e rritjes së tepërt të qimeve në fytyrë. Konsumimi i 6 deri në 8 gota ujë të filtruar në ditë mund të ndihmojë në përmirësimin e gjendjes.
