Nuk është gjithmonë e lehtë të ulesh dhe të thuash atë që të shqetëson. Mund të mos doni, ose thjesht mund të mendoni se gjithçka është perfekte në jetën tuaj. Sidoqoftë, trupi juaj nuk gënjen kurrë dhe kur nuk arrini ta dëgjoni, ju merrni "mesazhe".
Bright Side i ka deshifruar këto mesazhe që trupi po ju dërgon në një artikull.
1. Kërcitni dhëmbët.
Shkaku më i madh i kërcitjes së dhëmbëve është stresi. Ju mund ta gjeni veten duke kafshuar ose shtrënguar dhëmbët në mënyrë të pandërgjegjshme gjatë ditës ose gjatë gjumit. Një nga shenjat sinjalizuese se keni marrë këtë zakon është një dhimbje e nofullës mëngjesin tjetër.
2. Djersitni shumë.
Djersitja ndodh për shumë arsye: stërvitja, temperaturat e larta ose kur truri juaj percepton një kërcënim. Megjithatë, nëse djersitni vazhdimisht, mund të jetë një shenjë se jeni tepër të shqetësuar.
3. Ju bien më shumë flokë se zakonisht.
Gjetja e më shumë flokëve në banjë ose në krehër mund të jetë një shenjë e stresit të fshehur. Trazirat emocionale mund të prishin fazën e rritjes së ciklit të flokëve. Edhe nëse nuk ka ndodhur asgjë e keqe kohët e fundit, kini në mendje se rënia e flokëve zakonisht vjen më vonë. Kështu që mund të përjetoni rënie të flokëve 6-12 javë pas një ngjarjeje stresuese.
4. Keni shenja ose njolla të kuqe.
Nëse nuk vuani nga alergjitë, por ende ju dalin njolla në lëkurë mund të keni kaluar nëpër një stuhi emocionale. Mund të keni njolla të kuqe edhe në gojë për shkak të stresit.
Ju mund të keni qenë aq të ndikuar emocionalisht sa trupi juaj lëshon ??disa kimikate që ndryshojnë reagimin e trupit ndaj funksioneve të tjera të tij.
5. Syri ju dridhet gjatë gjithë kohës.
Stresi mund t'i japë sinjale të pazakonta trurit dhe muskujve të fytyrës. Si pasojë, syri juaj dridhet në mënyrë të pakontrolluar. Ju mund të vini re lëvizjen e pavullnetshme të qepallës së poshtme ose, në raste të rralla, të asaj të sipërme. Në disa raste, dridhja zgjat për javë apo edhe muaj.
6. Goja ju rri gjithmonë e thatë.
Nëse jeni vazhdimisht të etur dhe nuk keni ngrënë asgjë të kripur, kushtojini vëmendje shëndetit tuaj emocional.
Periudhat e gjata të stresit bllokojnë gjëndrat tuaja të pështymës duke ju lënë me gojë të thatë. Ju gjithashtu mund të keni vështirësi në gëlltitje në varësi të asaj se sa të dehidratuar jeni.
