Shumë e ndezur dhe e pozicionuar në pjesën e sipërme të mollëzave: sot skuqja në fytyrë ngjyroset si në filmat vizatimorë dhe komikë japonezë. Një trend i lindur nga pandemia.
Duke qenë se maska është bërë pjesë e jetës sonë, edhe grimi është dashur të përshtatet me praninë e saj. Pra, për të rënë në sy, që nga viti i kaluar skuqja e mollëzave është aplikuar gjithnjë e më lart dhe në nuanca më të ndezura. Nga kjo nevojë lindi trendi i ri me efekt manga, në nuancat rozë apo korale tronditëse dhe i hijezuar në pika të pazakonta të fytyrës, të pambuluara nga maska: ura e hundës dhe pjesa e sipërme e mollëzave, pothuajse deri te sytë (aq sa në disa sfilata, si ajo e pranverës/verës 2022 të Anna Suit, tekstura e skuqjes bashkohet dhe zbehet me atë të rimelit).
Një “skuqje” që të kujton mënyrën se si skuqen protagonistët e anime dhe mangat japoneze, të cilat nuk marrin parasysh rregullat e konturimit.
Një skuqje thuajse e “stilizuar”, me efekt vizatimor, për t’u përftuar duke përdorur krem, pluhur apo xhel me shumë pigment, për t’u aplikuar më shumë horizontalisht sesa diagonalisht. Themelore për të kujtuar skuqjen emocionale të mangës nuk është vetëm pozicionimi, por edhe ngjyra: rozë, e kuqe, koral, vjollcë, por në nuancat e tyre më të gjalla, si neoni.
