Humbja e nënës është një ndër gjërat më të vështira që shumica e njerëzve kalojnë në jetë. Pavarësisht nëse keni pasur një marrëdhënie të shkëlqyer, një marrëdhënie të vështirë ose të ndërmjetme, kjo ngjarje ka një ndikim të rëndësishëm në jetën tuaj. Në një anketë, 1 midis 20% dhe 30% e pjesëmarrësve deklaruan se humbja e një personi të dashur ishte ngjarja më traumatike në jetën e tyre.
Pse vdekja e nënës është kaq e vështirë ?
Vdekja e nënës është shumë e vështirë për të gjithë (qoftë ajo nëna biologjike, ose ajo që ju ka rritur). Pikëlloheni sepse kujtoni marrëdhënien që kishit me të, ose lidhjen që do dëshironit të kishit. John Bowlby, psikolog britanik, besonte se fëmijët lindin me një dëshirë për të kërkuar lidhje me kujdestarët e tyre. Ndërsa të tjerët para tij besonin se lidhja ishte e motivuar nga ushqimi. Ai besonte se lidhja formohej në bazë të edukimit dhe reagimit. Prandaj, ka kuptim që pikëllimi i asaj lidhjeje – ose mungesa e saj – do të ishte tepër e vështirë.
Si ndikon vdekja e nënës te dikush ?
Humbja e nënës, por jo vetëm, ndikon në mënyra të ndryshme në individë të ndryshëm. Por janë pikërisht disa mendime dhe pikëllime që i përjetojmë të gjithë njësoj. Ato janë :
Shoku, mpirja, trishtimi, mosbesimi, konfuzioni, mospërqendrimi, zemërimi etj.
Ndërkaq, pikëllimi mund të ndikojë edhe në shëndetin tonë fizik. Shenjat që shfaqen në këto raste janë:
Probleme me tretjen, humbje energjie, çrregullime të gjumit, ndryshime në peshë, nervozizmi etj.
Rreziku i çrregullimeve psikiatrike
Ndër të tjera, megjithatë, humbja e një personi të dashur mund të aktivizojë çrregullime të shëndetit mendor edhe tek ata që nuk kanë histori të sëmundjeve mendore. Ja se si mund të ndikojë në shëndetin tonë:
Çrregullim i madh depresiv, panik, post traumë, fobi, përdorimi i alkoolit, ankth, etj.
Çfarë është humbja komplekse?
I gjithë pikëllimi është kompleks, por me humbjen e dikujt, shumë njerëz janë në gjendje të përshtaten ngadalë me rutinat e tyre të përditshme (ose të krijojnë rutina të reja). Profesionistët e shëndetit mendor mund ta quajnë atë humbje të ndërlikuar ose komplekse nëse ka kaluar të paktën një vit. Disa nga shenjat e pikëllimit të zgjatur janë simptomat e mëposhtme që ende ndikojnë ndjeshëm në funksionimin tuaj të përditshëm pas 12 muajsh:
Vështirësi për të vazhduar jetën, mpirje emocionale, mendime të tilla se jeta është e pakuptimtë etj.
Në një studim, 65% e atyre që kishin përjetuar humbjen e një personi të afërt, dëshironin të mos jetonin më. Pra, nëse ju, ose dikush që njihni që është në këtë gjendje, dijeni se nuk jeni vetëm dhe kjo nuk është e pazakontë për atë që po kaloni. Nëse keni mendime për vetëvrasje, duhet të flisni me një profesionist të shëndetit mendor.
Si ta kalojmë këtë dhimbje?
Kur humbja është e freskët, të duket sikur do ndihesh ashtu përgjithmonë – por jo. “Nëse e lejoni veten të pikëlloheni dhe nëse të tjerët ju lejojnë të pikëlloheni” – thotë Schmitz-Binnall, “ndoshta do të vini re se ndjenjat vërtet të forta do të pakësohen gjatë muajve të parë pas vdekjes së nënës suaj”. Ajo thotë se ndërsa shumica e njerëzve e kuptojnë intuitivisht se mund të jetë e vështirë të humbasësh nënën, ata nuk e kuptojnë se sa e vështirë mund të jetë – ose sa kohë mund të zgjasë. “Njerëzit në shoqërinë tonë shpesh mendojnë se mund të kalojmë pikëllimin brenda një muaji dhe të mbarojmë me të.” Edhe nëse nuk i pranojmë ato ndjenja, kjo nuk do të thotë se ato nuk ekzistojnë dhe nuk ndikojnë në jetën tonë. Shumë njerëz na shtyjnë të ‘vazhdojmë jetën’ pas një humbjeje të konsiderueshme. Duhet të jemi në gjendje të ngushëllojmë të tjerët, por… gjithashtu duhet të rregullojmë pritshmëritë tona për veten.
Disa nga këshillat e LIZ SCHMITZ-BINNALL
Flisni për ndjenjat tuaja, kaloni kohë me të tjerët, merruni me aktivitete etj.
Bisedoni me një profesionist
Terapia mund të jetë e dobishme pas një humbjeje të madhe si kjo. Ka terapistë që specializohen për t’u marrë me persona që kalojnë të tilla trauma në jetën e tyre.
Bëhuni pjesë e shoqërisë
Meqenëse pikëllimi mund të ndihet si një përvojë e tillë izoluese, shumë gjejnë ngushëllim në grupet mbështetëse, qofshin ato virtuale ose online.
