Një nga rregullat themelore të shëndetit mendor është të jetosh dhe të jesh vetvetja në hapësira pozitive emocionale. Rregulli kryesor i tyre është: “Të jetosh dhe ta lësh veten të jetojë”.
Të gjithë duhet të kemi një vend të preferu[1]ar, një hapësirë pasuruese ku mund të lulëzojmë dhe të rritemi emocionalisht.Në fakt, jemi të vetëdijshëm se ambienti i përditshëm emocional i vendit të punës na prek më shumë se shumica e vendeve të tjera. Nuk mund të gjeni gjithmonë atë që ju nevojitet në punë. Kjo gjë e bën të vështirë të japësh më të mirën në punë. Sidoqoftë, tema interesante e hapësirave emocionale nis që nga hapësira që ndajmë me shumë njerëz. Të gjithë lëshojmë emetime emocionale që bashkohen dhe përbëjnë një atmosferë pasuruese, armiqësore ose neutrale. Psikologët thonë se, shpesh duhen pesë minuta për të kapur klimën emocionuese të një familjeje. Mjafton të lexosh shprehjet, tonin e zërit dhe stilin e komunikimit. Me këtë informacion, një vëzhgues mund të konkludojë shumë.
Hapësira emocionale – vendet ku banon zemra
Herman Melville thotë se vendet më të bukura nuk shfaqen në hartë. Dy njerëz që e duan njëri-tjetrin në mënyrë të matur, ndërtojnë hapësira më të bukura mes tyre. Në kopshtin e tyre mbjellin respekt dhe kënaqësi nga korrja. Secili investon në lumturinë e tij sepse e di që mirëqenia e tyre e brendshme do të përfitojë nga i dashuri i tij. Mund të mos mendoni kështu, por hapësirat pozitive dhe cilësore emocionale nuk janë të lehta për t’u ndërtuar. Një gabim që shpesh çon në dështim, është të besosh se të gjitha atmosferat kuptimplota dhe të lumtura bëhen duke bërë të lumtur njerëzit e tjerë. Nëse e besoni këtë, për shembull, mund të përfundoni të jeni i vetëkënaqur dhe i nënshtruar në punë. Do t’ju mungojë iniciativa për të propozuar dhe krijuar ndryshime pozitive në vendin tuaj të punës. Ndërkohë, në një marrëdhënie apo nivel familjar, ju ktheheni në personin që i jep përparësi emocioneve të të tjerëve para tuajave. Përfundimisht, kjo do të shkaktojë një atmosferë zhgënjimi të ndrydhur dhe pakënaqësie të hidhur. Ajo që duam të bëjmë të qartë me këto shembuj është se hapësirat pozitive emocionale kërkojnë investime te vetja juaj së pari. Merrni pak kohë për të reflektuar në këtë.Natyra njerëzore, së bashku me pjekurinë emocionale dhe pohimin, kufizojnë formimin e atmosferave toksike. “Është e rëndësishme të mbani mend se të gjitha klimat negative emocionale janë fusha beteje ku paragjykimi, egoja, gjykimet absolute, individualizmi, nxitimi, ofendimet dhe (më e keqja nga të gjithë) frika, e luftojnë atë. Nëse tashmë i keni të gjitha këto tipare brenda jush, ato do të kushtëzojnë sjelljen tuaj dhe, për pasojë, klimën tuaj emocionale. Është e rëndësishme të kuptohet se të gjitha atmosferat pasuruese emocionale varen nga profili psikologjik i banorëve të tyre.
Si të krijoni hapësira emocion- ale pozitive dhe të forta?
Hapësirat e përditshme emocionale duhet të jenë vendet tuaja të preferuara. Aty ku gjithmonë mund të jesh vetvetja. Aty ku e dini që idetë, vlerat dhe ndjenjat tuaja respektohen. Këto janë hapësira të kufizuara ku marrëdhëniet tuaja nuk ndihen si zinxhirë ose pranga. Në vend të tyre, ato janë si erëra të ngrohta që mbushin velat tuaja me shpresë dhe ju bëjnë të ndiheni të lirë dhe plot mundësi. Emocionet janë ngjitëse, thotë psikologu i njohur Daniel Goleman. “Të gjithë i kemi eksperimentuar. E dini, pasi keni pirë një kafe argëtuese me një mik, ndiheni mirë. Kur keni një nëpunës të vrazhdë në një dyqan, largoheni duke u ndjerë keq”… Nuk mjafton që njerëzit t’ju duan, ata duhet t’ju duan mirë. Për të krijuar hapësira bujare dhe pozitive emocionale, ju rekomandojmë të përdorni këto strategji të thjeshta. Më shumë sesa të përqendroheni në gjendjen emocionale të atyre që ju rrethojnë, filloni me veten tuaj. Ajo që ndikon më shumë në hapësirat emocionale është zhgënjimi personal, nervozizmi ose mbrojtja. Shikojini mirë ndjenjat tuaja dhe mësoni t’i menaxhoni ato para se të hiqni zemërimin, ankthin ose mangësitë tuaja tek njerëzit e tjerë.
Përforcimi pozitiv | Ekspertët në hapësirat emocionale na thonë se mesatarisht, njerëzit mund të tolerojnë një koment negativ në ditë (si një fyerje, kritikë ose paralajmërim) për sa kohë që marrim 4 komente pozitive. Në të njëjtën kohë, shumë pozitivitet mund të ndihet i rremë ose artificial.
Komunikim i sinqertë | Përveç përforcimit pozitiv dhe inkurajimit emocional, një mjedis emocional cilësor kërkon dialog të vazhdueshëm. Të gjitha palët duhet të angazhohen në dëgjim aktiv dhe të praktikojnë nd[1]jeshmërinë dhe vendosmërinë.
Lehtësoni lidhjen e duhur | Në një ambient pune, është e lehtë të merresh vesh mirë me shumë njerëz. Sidoqoftë, një mjedis autentik (në punë dhe në shtëpi) është kur ndjeni se mund të “lidheni” me të tjerët. Kjo është diçka që kapërcen mirësjelljen e thjeshtë apo edhe gjuhën.
Mirëkuptim i ndërsjellë | E fundit, por sigurisht jo më pak e rëndësishmja, një strategji thelbësore për të ushqyer çdo hapësirë emocionale është të dini si t’i
kushtoni vëmendje detajeve. Kini kujdes për këto hollësi të përditshme. Nëse vëzhgoni me kujdes, do ta vini re këtë konsideratë, mirënjohje dhe frazat si “faleminderit që keni qenë këtu”, “çfarë do të bëja pa ty”, ose “vendi im i preferuar është me ty”.Merrini parasysh këto gjëra çdo ditë për të krijuar një mjedis shumë më të lumtur për veten dhe të tjerët.
