Virgjëresha duket e butë, elegante dhe e qetë, ama poshtë këtij petku fshihet një vullkan i vërtetë. Virgjëresha punon dhe përpiqet pa fund që të arrijë perfeksionin, ndaj ka standarde shumë të larta (bazikët do të thonë të pakapërcyeshme).
Virgjëresha është shumë detajiste, vdes të organizojë shtëpinë dhe ka aftësinë që gjithçka ta kalojë butësisht.
Gjithashtu, ka një sens të lartë kritik, sepse udhëhiqet nga Mërkuri. Bën thashetheme, do të mësojë çdo gjë që i duket interesante dhe në fakt, është person shumë i mençur dhe i mprehtë. Virgjëresha krijon miqësi të forta dhe të qëndrueshme dhe pavarësisht se duket si e ftohtë, në mënyrë sekrete, pa postuar në story, argëtohet shumë.
Cilat janë disa nga karakteristikat e Virgjëreshës?
Virgjëresha ka stil, shije dhe do cilësinë. Është ndër shenjat më me këmbë në tokë, e di çfarë do (më të mirën, natyrisht) dhe sheh gjithçka! Asgjë nuk i kalon nën hundë, edhe sikur dikush të kujdeset maksimalisht.
Virgjëresha është modeste
Shumë rrallë do të hasësh një Virgjëreshë që mburret me arritjet e saj/tij. Zëri i brendshëm që e gjykon përherë dhe e shtyn drejt perfeksionit nuk e lejon të mendojë për gjë tjetër, përpos përmirësimit.
Punon shumë
Nëse ka një e-mail të padërguar, i rri mendja aty. Gjithashtu, është i/e fiksuar pas kontrollit dhe do të bëjë punën e të gjithëve.
I ndihmon të gjithë
Nëse ka një gjë që Virgjëresha e bën me zemër, është të ndihmojë ata që ka përreth.
Çfarë ka qejf një Virgjëreshë?
Të kërkojë në Google mbi gjithçka
Të ndjekë kurse
Të planifikojë ÇDO GJË
Të bjerë në dashuri me veten
Me cilën shenjë shkon më shumë?
Sipas elementit që i lidh, me shenjat e Tokës (Demin dhe Bricjapin) sepse kanë shumë ngjashmëri.
