“Disa ushqime mendohet se përshpejtojnë procesin e plakjes, duke përfshirë sheqerin, alkoolin dhe karbohidratet e përpunuara si buka e bardhë dhe drithërat”, shpjegon Doktor Al Kubra.
“Ato mund të dëmtojnë kolagjenin, i cili është i nevojshëm për të ruajtur rininë e lëkurës. Alkooli dhe ushqimet e pasura me yndyra të ngopura mendohet se shkaktojnë inflamacion dhe plakje. Por ushqimet e pasura me antioksidantë, veçanërisht frutat ngjyrë vjollce si kumbullat dhe manaferrat, ndihmojnë në luftimin e plakjes, sepse ato përmbajnë vitaminë C, e cila rrit kolagjenin dhe ndihmon në përthithjen e hekurit”, shton ai.
Pra, nëse doni një fytyrë të lëmuar dhe lëkurë të shtrënguar, shkoni te kumbullat. Në të njëjtën kohë, harroni alkoolin dhe bukën e bardhë.
