E dini që numerologjia e datës suaj të lindjes, pavarësisht muajit kur keni lindur, mund të zbulojë disa tipare të personalitetit tuaj? Nuk e besoni, hidhuni një sy përshkrimeve të mëposhtme.
3, 9, 12, 15, 21, 29, 30: Tejet krijues!
Nëse keni lindur në një prej këtyre datave, quajeni veten me fat pasi jeni tejet krijues. Ju tërheq shumë bota e artit, madje nëse do t'ju jepej mundësia do ta kalonit jetën sa në një ekpozitë në tjetrën. Njerëzit ju kërkojnë shpeshherë këshilla kur bëhet fjalë për arredimin, përzgjedhjen e një libri, muzeun më interesant për të vizituar etj. Jeni një person që i shihni gjërat nga të gjithë këndet, me qëllim që të krijoni një imazh sa më të mirë në kokën tuaj.
1, 10, 18, 19, 27, 28: Lider nga natyra
Nuk ndaleni para asgjëje derisa të arrini objektivat e suksesit, edhe nëse kjo kërkon që të largoni njerëz nga jeta juaj. Transmetoni siguri dhe besueshmëri në çdo hap që hidhni dhe bën që të tjerët t'ju shohin si një lider kudo që ndodheni.
2, 6, 7, 11, 20: Shumë të dhembshur
Nëse keni lindur në këto data, jeni ndër njerëzit më të dhembshur në botë. Për ju empatia dhe altruizmi janë dy vlerat më të rëndësishme që ekzistojnë. Jeni edukuar me frymën e të ndarit të gjërave dhe doni që këtë t'ua transmetoni të gjithëve atyre që ju rrethojnë.
4, 25, 16, 5, 14, 23: Shpirt aventuresk
Nëse keni lindur në këto data, atëherë jeni ndoshta ndër njerëzit më aventurierë. Gjithmonë kërceni nga qejfi sapo ju shfaqet mundësia për të eksploruar një gjë të re, çfarëdo qoftë ajo, hobi, vend, person, nuk ka rëndësi.
8, 17, 22, 26, 13, 24, 31: Familja është vendi ku është zemra
Jeni ndër njerëzit më të orientuar nga familja. Kujdeseni shumë për të dashurit tuaj, pavarësisht se çfarë po ndodh në jetët e tyre, ju jeni gjithmonë aty për ta. E njëjta gjë vlen për miqtë. Miqtë tuaj janë në thelb një familje e dytë në jetën tuaj.
