Disa gjëra duhet t’i mbani private. Por tri prej tyre janë më të rëndësishmet.
Marrëdhëniet tuaja
Ka shumë njerëz që janë aq të mërzitur në jetë saqë mezi presin të dëgjojnë disa thashetheme.Dhe nëse nuk dëshironi që kjo t’ju ndodhë, një nga gjërat kryesore për të mbajtur private duhet të jenë patjetër marrëdhëniet tuaja.
Kur themi “marrëdhënie”, nuk është fjala vetëm për ato romantike, por edhe për ato që keni me miqtë dhe familjen tuaj. Sepse këto janë tri llojet më të rëndësishme të marrëdhënieve në jetën tonë. Ato mund të ndikojnë lehtësisht në disponimin tonë, të na motivojnë ose demotivojnë, të ndikojnë në vendimet tona etj.
Dhe është e logjikshme që ne do të përjetojmë disa probleme në to herë pas here. Por çështja është se çdo problem që keni me partnerin, shokun ose anëtarin e familjes duhet të qëndrojë mes jush dhe personit në fjalë. Është një gjë private dhe duhet patjetër të qëndrojë kështu.
Planet dhe qëllimet tuaja
Le të jemi të sinqertë, shumë njerëzve u pëlqen të shohin të tjerët të dështojnë. Është e trishtueshme, por i ndihmon ata të ndihen më mirë për gabimet dhe humbjet e tyre.
Nëse i ndani planet dhe qëllimet tuaja me dikë që nuk ka qëllime të ndershme, ai person madje mund të brohorasë për dështimin tuaj. Prandaj, kini kujdes dhe konsiderojini këto si gjëra që duhen mbajtur private në jetën tuaj.
Paratë
E fundit, por jo më pak e rëndësishme, janë padyshim të ardhurat tuaja. Kjo është diçka që njerëzit e tjerë nuk kanë nevojë ta dinë. Nëse e bëni këtë, mund të sjellë shumë probleme, keqkuptime ose thjesht situata të sikletshme.
A iu ka bërë dikush ndonjëherë pyetje, sa fitoni në vit? Ose si mund të përballoni blerjet tuaja? Ndoshta ata madje u përpoqën të shpjegojnë se si nuk po i shpenzoni paratë tuaja në mënyrën e duhur? Përgjigja juaj është ndoshta po, sepse këto janë disa gjëra që ndodhin me shumicën prej nesh.E vërteta është se shumica e njerëzve që bëjnë pyetje të tilla pëlqejnë të gjykojnë. Ata do të gjejnë një arsye për ta bërë këtë, pavarësisht se çfarë përgjigjesh marrin.
