Puçrrat janë shpesh reflektim i zakoneve jo të shëndetshme të jetesës, kujdesit joadekuat të lëkurës, stresit dhe çrregullimeve hormonale dhe shfaqen në periudha të ndryshme të jetës. Ndërsa shumë nuk mund të mos i shtrydhin puçrrat, ka disa arsye pse nuk duhet t'i prekni ato.
Infeksioni
Mundohuni të mos e prekni fytyrën me duar sa më shumë që të jetë e mundur, sepse kjo do të nxisë shfaqjen e puçrrave. Papastërtia është tokë pjellore për krijimin e llojeve të ndryshme të infeksioneve dhe nëse vendosni të shtrydhni puçrrat me duar të pista, mund ta vendosni fytyrën në një gjendje edhe më të keqe se sa ishte më parë.
Në rastet më të rënda, infeksioni mund të përhapet dhe të formojë një sërë puçrrash të vogla rreth zonës së infektuar, për të cilat do t'ju duhet të shihni një dermatolog.
Gjithashtu, grimi, pa pastrim të thellë të zonës ku keni krijuar më parë një lloj plage, mund të çojë në një infeksion. Dermatologët theksojnë se shfaqja e infeksionit nuk është edhe aq e zakonshme, por se mund të ndodhë gjithmonë dhe të lërë shenja.
Shfaqja e plagëve
Shfaqja e plagëve mund të ndodhë si rezultat i përpjekjes për të shtrydhur puçrrat nënlëkurore. Rreziku i shenjave pas nxjerrjes së pikave të zeza është disi më i ulët, por kjo nuk do të thotë se nuk lë pasoja.
Njolla formohet për shkak të presionit në lëkurë, i cili shkakton dëmtim të indit dhe venave që rrethojnë puçrrën, duke lënë pas një shenjë që është shumë e vështirë për t'u shëruar.
Ekspertët deklarojnë se pothuajse gjithmonë do të ketë shenja të kuqe ose kafe që mund të zgjasin për disa muaj apo vite, në varësi të llojit dhe tonit të lëkurës, si dhe produkteve që përdoren për kujdesin e saj.
Trauma e lëkurës
Sa herë që shtrydhet një puçërr, ajo fryhet. Ky proces shkakton trauma në lëkurë, gjë që rrit rrezikun e cikatriceve. Gjëja më e keqe që mund të bëni është të hiqni zgjeben, sepse është një pjesë e rëndësishme e rigjenerimit të lëkurës.
Si pasojë e gjithë kësaj mund të ketë një humbje të pjesshme ose të plotë të pigmentit në atë vend dhe kështu të shfaqen shenja të bardha nga puçrrat. Ky fenomen mund t'i ndodhë kujtdo, por është më i zakonshëm tek njerëzit me ngjyrë më të errët. Çrregullimi i humbjes së pigmentit në zonën e inflamuar nuk është një proces i përhershëm. Rrezja do të jetë e barabartë me kalimin e kohës, por ndonjëherë zgjat edhe një vit të tërë.
