Me ndryshimin e orës dhe pavarësisht se fitoni një orë gjumë, mund të keni vënë re se ndiheni më të lodhur. Me ardhjen e muajve të ftohtë të vitit, ne presim të ndihemi më mirë pasi kemi fjetur qoftë edhe një orë më shumë. Megjithatë, në realitet, ndjesia që mbizotëron është ajo e lodhjes.
Eksperti i gjumit, Martin Seeley shpjegon se nga vjen kjo. “Ora e trupit tonë vendoset nga rrezet e diellit, e cila na tregon kur të flemë dhe kur të zgjohemi. Por kur dita bëhet më e shkurtër, mund ta kemi të vështirë të zgjohemi në mëngjes dhe të flemë natën, pasi trupi ynë ndikohet nga ndryshimet në dritë dhe temperaturë.
Kur orët e ditës janë më të shkurtra dhe temperaturat janë më të ftohta, trupi ynë prodhon më shumë melatonin, hormoni që ndihmon në rregullimin e ciklit gjumë-zgjim. Nivelet e melatoninës rriten në errësirë dhe ulen në dritë. Kalimi nga vera në vjeshtë do të thotë më pak dritë dhe më shumë melatonin në trup.
Me fjalë të tjera, ne fillojmë të flemë më herët gjatë natës dhe zgjohemi më vonë në mëngjes. Ne gjithashtu priremi të flemë më shumë”, shpjegon ai. Ndikimi që ka drita e ditës në trupin tonë ndryshon nga personi në person, në varësi të moshës dhe problemeve të caktuara shëndetësore.
