Disa ëndrra janë bërë për t’u mbajtur mend, ca më shumë për për t’u harruar, kurse disa të tjera flenë te gjithësecili prej nesh derisa një forcë, herë e dukshme dhe herë e padukshme guxon t’i nxjerrë në dritë. Mos mendoni se ëndrrat shihen sy hapur apo vetëm kur flini gjumë, shenjat e horoskopit për shembull ëndërrojnë falë energjisë kozmike. Le t’i zbulojmë së bashku:
Dashi: Të bëhet një lider i suksesshëm dhe të realizojë projekte të mëdha, për të cilat të mbahet mend gjatë.
Demi: Demat njihen si njerëz të cilët dëshirojnë të kenë siguri në jetë. I kap frika nëse nuk kanë diçka të sigurt. Ah more Dem, sa shumë e dëshiron jetën e mirë!
Binjakët: Dëshirojnë të kenë eksperienca të reja he të provojnë eksperienca të ndryshme. Vazhdoni kështu!
Gaforrja: Liria është gjithmonë në mendjen dhe zemrën e një Gaforreje dhe ata nuk do pushojnë së luftuari derisa ta kenë. Sa e zgjuar Gaforrja!
Luani: Luani njihet si një ndër shenjat udhëheqëse të horoskopit, por në dallim nga Dashi nuk vuan as për pushtet e as për të qenë në i miri. Për të është e rëndësishme të gëzojë respektin e njerëzve që e rrethojnë. Dëshira e tij më e fshehur është të kujtohet si një njeri i mirë. Na habiti ky Luani, apo jo?
Virgjëresha: Duke qenë shenjë këmbëngulëse dhe punëtore, në përgjithësi i realizon të gjitha. Por dëshira më e madhe është të ketë një familje të bukur dhe të japë e marrë sa më shumë dashuri. Do të të mbysë sheqeri, moj Virgjëreshë!
Peshorja: Dëshiron të krijojë balancë dhe të bëjë bamirësi. Nëse çdo gjë shkon në ekuilibrin e duhur, një Peshore do ndihet shumë mirë dhe e realizuar. Sa të mira jeni ju Peshoret!
Akrepi: Dëshiron të jetë në krye të çdo gjëje dhe të rregullojë të gjitha mosmarrëveshjet. Ata duan të kenë sukses atje ku të tjerët dështojnë. Sa të rrezikshëm Akrepët!
Shigjetari: Shigjetarët janë shumë socialë dhe dëshirojnë të bëjnë ndryshime pozitive edhe në jetën e të tjerëve pa pritur asgjë në këmbim.
Bricjapi: Një Bricjap ka shumë dëshirë që të tjerët të admirojnë punën e tyre. Njihet si shenjë që punon fort.
Ujori: Ka një dëshirë të madhe të dalë nga turma dhe të njihet për guximin e tij. Ujori dëshiron të mos bëjë çdo gjë që të tjerët bëjnë. Bravo të qoftë o Ujor!
Peshqit: Peshqit njihen si shenjë që në shumicën e kohës jetojnë duke ëndërruar. Dëshira më e madhe e tyre është të zgjohen dhe t’i bëjnë në realitet gjërat që kanë në kokën e tyre.
