Heqja e gabuar e grimit mund ta bëj fytyrën tuaj të duket më e vjetër
Mund të keni zotëruar një teknikë kozmetike që bën të dukeni me ngjyra të ndezura dhe rinore.
Keni gjetur losionin e preferuar kundër plakjes dhe kremin për sy.
Sigurisht që keni vendosur krem për diell.
Gjithçka duket në rregull deri tani.
Por, diçka që mund të mos e keni kuptuar është që heqja e gabuar e grimit mund ta bëj fytyrën tuaj të duket më e vjetër.
Andrew Sotomayor, grimere famshme, thotë se këto janë gabimet më të mëdha që i bëni çdo herë që e hiqni grimin:
Nuk e pastroni tërë grimin
Gjatë ditës fytyra është e ekspozuar ndaj shumë ndotësve, siç është tymi i makinave dhe pluhuri që e prishin kolagjenin në fytyrë.
Rrezatimet e lira kapen për kozmetikë, shpjegon Sotomayor, prandaj është e rëndësishme të pastrojmë të gjithë kozmetiken nga lëkura para gjumit për të parandaluar rrudhat.
Nuk e ndërroni peshqirin e fytyrës me rregull
Sigurohuni të ndërroni peshqirin çdo ditë në mënyrë që të shmangni papastërtitë, mikrobet dhe rrudhat.
I fërkoni sytë me ashpërsi
Qerpikët natyrisht janë përkufizimi i syve dhe kur janë më të gjatë bëjnë që vajzat të duken më të reja.
Mirëpo, fërkimi i ashpër i syve kur e pastrojmë bojën e qerpikëve, shkakton dëmtimin dhe rënien e tyre, thotë Sotomayor.
Për të pastruar grimin e syve përdorni pambuk dhe vaj për kozmetikë.
Përdorni letra (faculeta) për çdo gjë
Letrat nuk e pastrojnë fare grimin, në fakt ato heqin vetëm grimin sipërfaqësor, por asnjëherë në tërësi.
Për më tepër, materiali i letrave është irritues për fytyrë dhe e thanë lëkurën rreth syve.
