Pushimi nuk është vetëm një çlodhje kockash dhe një gjumë i mirë. Në fakt, janë plot 7 lloje pushimesh dhe besojmë se në këtë artikull do të gjesh atë që të duhet në këto momente.
Pushimi fizik
Ndodh kur ti e lejon veten të çlodhet krejtësisht, të marrësh një pauzë, të flesh, ose thjesht të rrish rehat dhe të mos bësh asgjë.
Shenjat që tregojnë se të duhet ky pushim:
Tension muskular
Lodhje
Maramendje
Dëshirë për gjumë
Pushimi shqisor
Lidhet me stimulimet që merr nga mjedisi përreth, duke nisur që nga zhurmat e trafikut, deri tek ekspozimi ndaj lajmeve, TV dhe përdorimi i telefonit.
Shenjat që tregojnë se të duhet ky pushim:
Je i/e lodhur
Stresohesh
Ke ankth sa herë mendon për trafikun, lajmet, përgjigjeve në rrjetet sociale etj.
Pushim mendor
Ndodh kur e lë trurin të pushojë nga puna, situatat stresuese, tematikat dhe njerëzit që të japin ankth.
Shenjat që tregojnë se të duhet ky pushim:
Vështirësi në përqendrim
Irritohesh lehtë
Mendon shumë gjëra njëkohësisht
Ndihesh i/e lodhur edhe pasi ke bërë një gjumë të mirë.
Pushimi social
Ndodh kur gjen një balancë mes të qëndruarit pranë miqve dhe gjeturit kohë për veten.
Shenjat që tregojnë se të duhet ky pushim:
Nuk argëtohesh më kur del me miqtë
Dëgjon problemet e tyre, por nuk shprehesh për të tuat
Irritohesh lehtësisht nga të tjerët
Përton të përfshihesh në diskutime
Pushimi shpirtëror
Ndodh kur ti i lë hapësirën e duhur vetes që të gjesh kuptimin në gjërat që bën.
Shenjat që tregojnë se të duhet ky pushim:
Emocionet e tua ndihen intense
Ndihesh paksa bosh
Nuk merr kënaqësi nga gjërat që bën
Je në dilemë të vazhdueshme për zgjedhjet që bën në jetë
Pushimi kreativ
Ndodh kur nuk i ushtron vetes presion për të përfunduar një projekt kreativ.
Shenjat që tregojnë se të duhet ky pushim:
Ke një bllokim kreativ
Të kap paniku sa herë mendon për projektin
Je në dyshim për aftësitë e tua
Pushimi emocional
Ndodh kur ti merr një pauzë nga informacionet që merr vërdallë, të cilat ndikojnë në ndjesitë dhe mendimet e tua.
Shenjat që tregojnë se të duhet ky pushim:
Je më gjykues/e se zakonisht
Ndihesh si “i/e ngrirë” në shumë momente
S’ke durim të dëgjosh njerëzit që do
Frustrohesh nga bisedat e të tjerëve
