Sekrecionet e bardha janë lëngje që dalin nga vagina gjatë dhe pas aktivitetit seksual. Disa prej tyre kanë për qëllim të ndihmojnë marrëdhëniet seksuale. Këto lëngje janë normale. Ato janë zakonisht si të tejdukshme deri në ngjyrën e bardhë të qumështit.
Në raste të tjera, sekrecionet e bardha shkaktohen nga një infeksion. Le të shohim arsyet e mundshme të çfarë i shkakton ato, gjatë ose pas aktivitetit seksual.
Eksitimi: Eksitimi është një shkak i zakonshëm i sekrecioneve. Normalisht, sekrecionet vaginale janë të tejdukshme ose në ngjyrë qumështi. Ky lëng pastron, mbron dhe lubrifikon vaginën. Kur stimuloheni seksualisht, lëngu është më i dukshëm sepse trashet dhe rritet. Për sa kohë që depërtimi nuk është i dhimbshëm, nuk ka arsye për t’u shqetësuar.
Ndryshimet e ciklit menstrual: Është mëse normale që sekrecionet vaginale të ndryshojnë gjatë gjithë ciklit menstrual. Në fillim dhe në fund, është normale të keni një shkarkesë të trashë të bardhë. Gjatë ovulimit, është në ngjyrë të tejdukshme, si e bardha e vezës.
Sekrecionet në shtatzëni: Ju mund të vini re më shumë sekrecione vaginale se zakonisht kur jeni shtatzënë. Kjo quhet leucorrhoea. Zakonisht sekrecionet janë të qarta ose në ngjyrë të bardhë dhe nuk kanë një erë të fortë. Shkaktohen nga një nivel më i lartë i hormoneve të estrogjenit dhe progesteronit në shtatzëni.
Sekrecionet të bardha pas marrëdhënies seksuale: Në përgjithësi, sekrecionet e bardha pas marrëdhënies seksuale tregojnë një infeksion.
Kur duhet të vizitoni mjekun?
Shkoni te mjeku/ja nëse sekrecionet duken dhe mbajnë erë ndryshe nga zakonisht. Nëse ngjyra është e verdhë, jeshile ose gri, është arsye për t’u shqetësuar. Gjithashtu duhet të kërkoni ndihmë mjekësore nëse keni: dhimbje gjatë aktiviteteve seksuale, urinim me dhimbje, dhimbje barku, dhimbje pelvike, kruarje, djegie, skuqje, plagë etj.
