Virgjëresha është ndoshta shenja më perfeksioniste e horoskopit dhe sigurisht, një shenjë tejet interesante, e organizuar, me plot vetëbesim. Këto janë vetëm disa nga cilësitë e kësaj shenje. Të tjerat, t’i tregojmë në këtë artikull, në rast se ende nuk e di fuqinë dhe rëndësinë e një Virgjëreshe:
E talentuar dhe e komunikueshme
Virgjëresha dallohet me kilometra larg, sepse nuk do të jetë në qendër të vëmendjes, por bie direkt në sy, sepse është e talentuar, e komunikueshme, e sjellshme dhe kur e meriton personi tjetër, edhe shumë e drejtpërdrejtë.
Virgjëresha udhëhiqet nga Mërkuri dhe ka një talent të paparë për ta gjetur gjuhën me këdo që e rrethon.
Ka shumë stil
Virgjëresha ka super stil dhe shpeshherë mund të jetë edhe busulla që e orienton grupin shoqëror, në lidhje me modën dhe kombinimet. Virgjëresha nuk ka qejf ‘modën e shpejtë’, por do të investojë në veshje të pakoha dhe materiale cilësore.
E butë dhe shumë me këmbë në tokë
Në përgjithësi, Virgjëresha është një shenjë shumë e butë, sillet mirë me këdo dhe ka një natyrë shumë miqësore. Virgjëresha vdes të ndihmojë njerëzit dhe të thotë fjalët e duhura, në mënyrën e duhur.
Studion njerëzit përreth
Virgjëresha vdes të shohë ç’bëhet vërdallë dhe të studiojë mendjet dhe karakteret njerëzore. Për të, të gjithë, edhe njerëzit misteriozë, janë një libër i hapur.
E drejtë dhe e pafajshme, por aspak naive
Virgjëresha s’ta ka kurrë me të keq, ama, kur sheh se dikush po ia merr virtytet për dobësi, e kap dhe e kthen direkt situatën. Virgjëresha e kupton shumë mirë se kush do që të gjejë shteg për t’ia punuar pas krahëve dhe sigurisht, merr masat e duhura që të mos e pësojë.
Gjithnjë e re në shpirt
Nëse sheh video të grave të moshës së tretë që argëtohen me mikeshat, vishen bukur, pinë verë në një peizazh mbresëlënës, me shumë mundësi, janë Virgjëresha. Kjo shenjë nuk di të plaket dhe e shijon jetën në çdo sekondë.
Inteligjente
Virgjëresha është ndër shenjat që lexon pa fund libra dhe e ka bibliotekën gjithnjë plot. Nëse nuk ka informacion mbi një tematikë të caktuar, do të mësojë më shumë rreth saj. Virgjëresha është edhe një shenjë shumë logjike, ndaj e ka shumë të lehtë që të perceptojë gjithçka që ndodh.
Është me këmbë në tokë
Po ta ripërsërisim: Virgjëreshës nuk i merr kurrë koka ajër. Ajo mbetet e sinqertë dhe mirënjohëse për gjërat dhe njërëzit që ka në jetën e saj.
Vdes të ndihmojë të tjerët
Virgjëresha ka një moto shumë të bukur: “Dua ta lë planetin më mirë se e kam gjetur”, ndaj bën gjeste të mira dhe domethënëse gjithë kohës. Nëse ke një problem, Virgjëresha bën namin dhe lëviz malet që të ta zgjidhë.
Kujdeset shumë për veten
Rafti i saj është i mbushur me produkte të kujdesit të fytyrës, si dhe frigoriferi plot me ushqime të shëndetshme.
Të jashtëzakonshme në punë
S'dimë si ta themi më qartë: Janë perfekte në punë! është pak kritikuese dhe e paduruar, madje edhe kokëfortë, por hej, është perfekte!
