Në një moment të jetës suaj, mund të pyesni veten: Pse nuk po mund të gjej një punë? Nëse jeni përpjekur të gjeni një punë për një kohë të gjatë dhe nuk keni pasur sukses, atëherë procesi juaj i kërkimit të punës ka ngecur diku. Nëpërmjet këtij artikulli do të mundohemi të gjurmojmë këtë problem për të krijuar një zgjidhje për ju.
Problemi: Nuk po ftoheni në intervista
Zgjidhja: Përshtatni CV-në tuaj
Nëse nuk mund të gjeni një punë dhe të gjitha CV-të tuaja duket se zhduken në një humnerë të errët sapo shtypni "dërgoni", shanset janë që pikërisht këtu qëndron problemi. Një rezyme e përgjithshme që nuk përmban asnjë fjalë kyçe të përshtatur ka shumë të ngjarë të filtrohet ose humbet nga sistemi i gjurmimit të aplikantit dhe nuk do të shihet kurrë nga menaxheri i punësimit.
Përshtatja e CV-së tuaj do të thotë të përputhni fjalët kyçe në CV me ato në postimin e punës. Kur aplikoni për një pozitë të caktuar mundohuni të fokusoheni në ato aftësi që kërkohen për pozitën e punës ku po aplikoni.
Shkruani CV shabllon
Zgjidhja: Përqendrohuni në detaje
Sa më shumë të shtoni detaje në CV-në tuaj, aq më shumë do të tërhiqni vëmendjen. Është mirë të vendosni arritjet e juaja në punët dhe projektet e kaluar.
Një mësim tjetër i rëndësishëm në detaje është të ndiqni udhëzimet e dhëna në listën e vendit të punës për të cilin po aplikoni. Për shembull, nëse një postim pune kërkon një letër shkrimi deri në 500 fjalë, dërgimi i një dokumenti i cili përmban mbi 1000 fjalë mund të bëjë që CV-ja juaj të hidhet jashtë. Shumë punë do të kërkojnë gjithashtu që kandidatët të përdorin një linjë specifike në një email aplikimi ose që të dërgojnë një letër motivuese shumë të shkurtër. Injorimi i këtyre kërkesave tregon mungesë vëmendjeje ndaj detajeve dhe nuk do të jetë një shenjë e mirë për aplikimin tuaj.
Problemi: Ftoheni në intervista, por nuk keni ofertë pune
Zgjidhja: Përmirësoni aftësitë tuaja që të jeni më të mirë në intervistë
Nëse mendoni se intervistat po ju pengojnë të bëni hapa tutje atëherë merrni parasysh faktorët që mund t'ju bëjnë të dështoni. Pyetja që duhet t’i bëni vetës është se a po paraqiteni në kohë dhe jeni plotësisht të përgatitur për intervistën tuaj? A visheni bukur dhe dukeni të vendosur? Të tregoheni i ngadaltë qoftë në pamje apo gatishmëri, do të bëjë që të krijohet një përshtypje e keqe për ju!
Për t'u përgatitur për një intervistë, duhet të hulumtoni fillimisht. Në faqen kryesore të një kompanie, ju mund të lexoni historinë e saj dhe të keni sadopak njohuri për kulturën e kompanisë. Ju gjithashtu mund të kërkoni fotografi të punonjësve për të kuptuar më mirë për kodin e veshjes në atë ambient.
Kur zgjidhni një veshje për intervistë, visheni gjithmonë të paktën një hap mbi kodin e veshjes së punonjësit. Për shembull, nëse punonjësit vishen shumë thjesht, ju duhet të visheni me veshje më zyrtare në intervistë. Vazhdoni hulumtimin tuaj një hap më tej duke shikuar rrjetet sociale të kompanisë dhe duke bërë një hulumtin në Google për të.
Hapi i fundit që duhet ta ndërmerrni patjetër është të praktikoni pyetjet e intervistës me një mik për të qetësuar nervat tuaja dhe për t'ju bërë të mendoni si një i intervistuar. Një pjesë e krijimit të një përshtypjeje të parë të mirë është të tregoni se jeni një komunikues i sigurt. Në ditët para një interviste, praktikoni të uleni drejt, të hapni krahët gjatë bisedës dhe të mbani kontakt të fortë me sy.
Problemi: Ju jeni duke gjetur punë, por ofertat për punë po dështojnë
Zgjidhja: Bëni CV-në tuaj të përshtatshme
Së pari, ngushtoni CV-në tuaj për të pasqyruar vlerën tuaj, duke filluar me aftësitë dhe përvojën që ju bëjnë personin më të mirë për punën për të cilën keni aplikuar. Kur fokusoheni në CV-në tuaj, mjeti më i mirë që keni në dispozicion është postimi i punës.
Siç ka theksuar rekrutuesja e “Silicon Valley”, Linda Tuerk, “Kjo është një kohë ku specifikat kanë rëndësi. Kërkohet një talent specifik. Kushtojini vëmendje dhe përgjigjuni kësaj.”
Ju duhet të dëshmoni se jeni i përshtatshëm për këtë punë. Nëse përshkrimi i punës liston disa aftësi që keni, ato janë aftësitë për t'u theksuar në CV dhe në intervista. Mos harroni, nëse CV-ja juaj është e mbushur me shumë informacione të parëndësishme, rrezikoni që menaxheri i punësimit të mos ketë durim të arrij deri te pika që ju bën kandidatin më të kualifikuar.
Nëse po pyesni veten: "Pse nuk mund të gjej një punë?" është koha për të kërkuar se ku u janë bllokuar rrugët. Pavarësisht nëse problemi qëndron me CV-në tuaj, aftësitë e intervistës ose fushëveprimin e kërkimit tuaj të punës që duhet të përmirësohet, ndryshimet e vogla mund të bëjnë një ndryshim të madh.
