Mund t’ju ndihmojë të menaxhoni më mirë financat tuaja
Kjo mënyrë kursimi u shpik nga gazetarja japoneze Hani Motoko në vitin 1904.
Disa i mbajnë paratë nën jastëk, disa në bankë, disa kursejnë duke blerë me zbritje dhe disa arrijnë të bëjnë një “fitim” duke u dhënë para miqve ku janë “të sigurt”, ndërsa japonezët kanë një sistem tjetër.
Metoda e tyre e kursimit, e cila u shpik nga gazetarja Hani Motoko në vitin 1904, quhet “kakeibo”, që përkthehet si “kontabilitet familjar”.
Një shekull i tërë më vonë, kjo mënyrë kursimi përdoret ende gjerësisht dhe “funksionon” më së miri për ata që nuk duan të blejnë dhe të shpenzojnë para për gjëra të panevojshme…
Hapi i parë është të shkruani të gjitha shpenzimet në një fletore. Hapi i dytë është krijimi i një kalendari të të ardhurave mujore. Në fletore vizatoni katër kolona për katër javët e muajit. Në fillim të muajit shënoni pagën dhe shënoni me një ngjyrë dhe poshtë saj çdo të ardhur tjetër shtesë, të cilën do ta shënoni me ngjyra të tjera.
Më pas, vizatoni një tabelë në të cilën do të shkruani se sa para dëshironi të kurseni atë muaj. Hapi i fundit është një tabelë në të cilën do të futni të gjitha shpenzimet e detyrueshme – qira, faturat e energjisë elektrike, interneti, telefoni, ushqimi… etj.
Është gjithashtu shumë e rëndësishme të shkruani gjithçka për të cilën do të shpenzonit para dhe çfarë nuk ju nevojitet. Ndajeni këtë listë në kategori: kosto të jetesës, argëtim, arsim dhe kulturë, etj. Në fund të çdo muaji analizoni shpenzimet dhe kontrolloni nëse i keni mbajtur brenda kufijve tuaj.
