Nëse ndjeni lëkurë të thatë, ajër të rëndë, nuhatje të vështirë, ndoshta është koha për të marrë një pastrues ajri ose lagështues, dhe nëse tashmë e keni një të tillë, duhet të dini se me cilat produkte do të jetë më e lehtë për ta mirëmbajtur.
Sipas ekspertëve në Laboratorin e Pastrimit të Good Housekeeping Institute, niveli ideal i lagështisë në shtëpinë tuaj është 30 deri në 50 për qind, ndërsa gjatë muajve më të ftohtë këto nivele lagështie bien.
Megjithatë, me të gjitha përfitimet e lagështuesve dhe pastruesve të ajrit, mungesa ose pastrimi i papërshtatshëm mund të çojë në myk dhe baktere, prandaj është e rëndësishme të dini se kur dhe si t’i pastroni këto pajisje.
Carolyn Forte – CEO e Laboratorit të Kujdesit dhe Pastrimit në Shtëpi të Institutit GH – thotë se është më mirë ta pastroni lagështuesin dhe pastruesin e ajrit me uthull, peroksid hidrogjeni dhe zbardhues.
Meqenëse hapat e pastrimit mund të ndryshojnë në varësi të llojit të lagështuesit tuaj, Forte rekomandon gjithmonë që të ndiqni udhëzimet e pastrimit dhe mirëmbajtjes për modelin tuaj.
Në fakt, ajo sugjeron ta zbatoni manualin e prodhuesit derisa të mësoheni ta pastroni pajisjen tuaj.
