Edhe sot vazhdoi rrënimi i objekteve pa leje në bregun e Liqenit të Ohrit.
Sot edhe euroambasadori dhe kryeministri Zaev mbështetën aksionin e autoriteteve komunale.
“Ndërtimet pa leje nuk e kanë vendin buzë Liqenit të Ohrit dhe duhet të hiqen”, shkroi sot ambasadori i BE-së në Maqedoninë e Veriut, David Geer.
Sipas tij, pasura natyrore dhe kulturore në rajon dhe e pranuar nga UNESCO, duhet të mbrohet.
Kryeministri Zaev sot në “Facebook” shkroi se shpreh mbështetje të fuqishme për “aksionin vendimtar” për heqjen e objekteve pa leje në Liqenin e Ohrit që po e zbaton Komuna e Ohrit.
