Duke filluar nga 1 korriku, i gjithë Ballkani Perëndimor do të jetë një zonë, ku roaming do të jetë falas. Kostot e roaming midis Shqipërisë, Bosnjës dhe Hercegovinës, Kosovës, Malit të Zi, Maqedonisë së Veriut dhe Serbisë do të jenë zero.
Nga Këshilli i Bashkëpunimit Rajonal (RCC), thonë se ky është suksesi historik i Ballkanit Perëndimor, që erdhi si rezultat i negociatave gati tre vjeçare, të lehtësuara nga ata dhe Bashkimi Evropian, pas të cilave përfaqësuesit e të gjitha qeverive të BB6 nënshkruan marrëveshjen, në prill 2019. Së pari të gjithë ranë dakord të ulnin gradualisht çmimet e roamingit dhe përfundimisht t’i heqin ato duke filluar nga 1 korriku 2021.
RCC është krenare që ka qenë që prej fillimit pjesë e këtij procesi që do të sjellë rezultate të vërteta dhe të prekshme të Tregut të Përbashkët Rajonal për qytetarët tanë”, thanë nga atje.
Ndryshe, për të festuar këtë datë të rëndësishme për Ballkanin Perëndimor, me mbështetjen e Qeverisë së Maqedonisë së Veriut, organizon festë me artistë nga i gjithë Ballkani Perëndimor, një koncert me grupe muzikore dhe DJ nga i gjithë rajoni. Gjithçka nis më 1 Korrik 2021, në orën 19.00 në Plazhin Oteshevo (Liqeni i Prespës, Maqedonia e Veriut).
