Ditëlindja e gazetarit Eraldo Rexho me siguri është një nga ngjarjet më të komentuara të javës.
Kanë qenë të pafundme urimet për të, ku nuk ka munguar edhe ai i këngëtares Jonida Maliqi.
Rexho dhe Maliqi njihen për miqësinë e tyre të ngushtë, dhe pavarësisht masave kufizuese, ai ka mbledhur miqtë më të afërt në një festë buzë detit.
Mes të ftuarve ka qenë edhe Jonida Maliqi dhe partneri i saj i shumëpërfolur, Romeo Veshaj.
Në disa foto të publikuara nga Iconstyle ata duket se e kanë zyrtarizuar lidhjen e tyre edhe para miqve.
Ata shihen të ulur në rërë, teksa Romeo përqafon Jonidën dhe rrinë bashkë njëri me tjetrin.
Jonida dhe aktori kanë rreth 2 vite që janë në qendër të lajmeve për romancën e tyre.
Disa kohë më parë u deklarua edhe ndarja mes tyre, por tashmë duket se çifti është sërish bashkë dhe janë tejet të lumtur.