D-Night është emisioni që sjell humor dhe argëtim për të gjithë, por jo vetëm kaq.
Tema e mbrëmjes “ Çfarë do të bëjë për kërrierë”? solli pafund mesazhe dhe komente, saqë drejtuesja e programit Dajana Shabani ndaloi për pak sekonda për të dhënë një mesazh për të gjithë.
Epo, gjithë këto vite eksperiencë mbi supe, Dajana di të flasë e t’a shprehë shkurt, saktë dhe shumë qartë mendimin e saj për këtë pjesë.
“Kemi parë e kemi njohur njerëz që për karrierë kanë qarë te zyra e drejtoreshës ose drejtorit i kanë derdhur dy pika lot. U detyrova të jap një përgjigje edhe të thoja që këtu nuk është as kishë as xhami që të qash. Kanë spiunuar pafund a thua ti se do bëhej nami.
E di si është puna? Nëse ti ke talent nuk duhet të bësh asnjë nga këto të këqija, edhe nuk të duhet të shkelësh mbi të tjerët që të ecësh përpara.
Nësë ti ke talent ti do spikatësh! Nëse nuk ke edhe po të ka futur dashnori, miku ose të ka futur paraja do vish si një flluskë sapuni, do plasësh dhe do largohesh”.
