Antonela Roccuzzo, bashkëshortja e Lionel Messit, ka qëndruar vazhdimisht larg famës duke u përfshirë shumë rrallë në media.
Megjithatë, ajo është bërë virale vetëm disa ditë pas vendimit të burrit të saj që të transferohet te Inter Miami, e gjitha kjo për shkak të anglishtes së saj.
Në një reklamë për produktet e flokëve, Guerlain, Antonela ka folur anglisht duke i befasuar miliona fansa.
“Pas shtatzënisë sime, më ranë shumë flokët”, ka thënë ajo në bashkëbisedim me stilistin e flokëve.
Më pas, floktari vazhdon duke e shfrytëzuar produktin për rregullimin e flokëve tash dhe Roccuzzo ia kthen: “Flokët duken kaq të shndritshëm, është mirë që tani kam volum. Ka kohë që nuk i kam parë flokët kështu”.
Kjo reklamë tregoi se Antonela flet anglisht, kështu që do të jetë mirë kur të nisë jetën e saj të re në Miami.
Ajo me sa duket e ka mësuar shumë mirë anglishten gjatë studimeve në Qendrën Edukative Latino-Amerikane në Rosario, përpara se të diplomohej me një diplomë Bachelor në Shkenca Humane dhe Sociale.
