Elton John kishte nevojë për një dorë ndihmëse për të zbritur nga jahti i tij, ndërsa ai shijonte një udhëtim blerjesh në dyqanin “Gucci” në Saint Tropez të enjten.
Legjenda e muzikës, 76 vjeç, kishte një nga pamjet e tij shumëngjyrëshe, teksa po shkonte në dyqan me bashkëshortin e tij David Furnish, shkruan DailyMail.
Eltoni veshi një këmishë shumëngjyrëshe me stampa blu dhe pantallona të shkurtra të kuqe ndërsa doli nga dyqani i veshjeve luksoze për të blerë disa nga veshjet e reja në trend.
Interpretuesi i hitit “Rocketman” u pa gjithashtu teksa po shkonte në restorantin “Loulou” me bashkëshortin e tij, teksa shfrytëzonin sa më shumë kohën nga pushimet e tyre verore.
Eltoni është duke e shfrytëzuar në maksimum tërheqjen e tij nga turneu pas shfaqjes së tij të fundit të Turneut “Farewell Yellow Brick” në korrik.
Turneu, i cili filloi në vitin 2018, ishte një sukses i jashtëzakonshëm për Eltonin dhe përmes tij ai fitoi 816,840,988 dollarë në mbarë botën.
Ylli ka zgjedhur që tani të pushojë, duke përmendur dëshirën për të kaluar më shumë kohë me Davidin dhe fëmijët e tyre.
Ai tha: “Turnetë janë rraskapitëse për mua tani dhe më largojnë nga familja ime dhe fëmijët e mi”.
Megjithatë, Eltoni shtoi se ai nuk ka hequr dorë nga performanca për mirë dhe ka të ngjarë të vazhdojë të performojë herë pas here.
Familja është e rëndësishme për Eltonin, i cili më parë i quajti djemtë e tij ‘gjëja më e madhe’ në jetën e tij dhe të bashkëshortit David.
Duke folur në “The Ellen DeGeneres Show” në vitin 2016, ai tha: “Nëse do të më kishe thënë dhjetë vjet më parë, do të isha ulur në emisionin tënd i martuar me njeriun që dua dhe të kem dy fëmijë të bukur, do të kisha thënë: ‘Ti fut acid në pijen time’”.
