Mariah Carey, një nga emrat më të mëdhenj në skenën muzikore botërore për më shumë se tre dekada, ka zbuluar një strategji personale që e ndihmon të qëndrojë e ekuilibruar nën presionin e vëmendjes së medias.
Ajo thjesht nuk i lexon lajmet që shkruhen për të.
Duke folur për revistën “People”, ikona 55-vjeçare e muzikës shprehu se ky është mekanizmi i saj kryesor për të menaxhuar famën e saj të madhe.
“Nuk lexoj asgjë që shkruhet për mua. Ky është mekanizmi im për të menaxhuar famën”, u shpreh Carey.
Pavarësisht suksesit të saj të vazhdueshëm dhe karrierës që ka shënuar epokë, Carey ka marrë vendime të qarta për të mbrojtur jetën e saj personale nga mendimet dhe komentet e të tjerëve.
Këngëtarja e famshme e hitit “Always Be My Baby” ka kaluar një ndarje të bujshme vitin e kaluar nga ish-i dashuri i saj, Bryan Tanaka, me të cilin ka qenë në një lidhje që zgjati pothuajse shtatë vjet.
Mariah Carey është gjithashtu nënë e dy fëmijëve binjakë, Monroe dhe Moroccan, të cilët i ka lindur gjatë martesës së saj me ish-bashkëshortin Nick Cannon.
Çifti u divorcua në vitin 2016, por Carey vazhdon të jetë një figurë e rëndësishme në jetën e fëmijëve të saj.
