Shtyhen për një afat të pacaktuar seancat e Kuvendit Komunal të Mitrovicës - Bota Sot
Shtyhen për një afat të pacaktuar seancat e Kuvendit Komunal të Mitrovicës

Mitrovica

Shtyhen për një afat të pacaktuar seancat e Kuvendit Komunal të Mitrovicës

Nga: A.SH Më: 23 mars 2020 Në ora: 18:49
Agim Bahtiri

Kryetari i Mitrovicës, Agim Bahtiri ka njoftuar se, seanca e Kuvendit Komunal të Mitrovicës e paraparë të mbahet më 26.03.2020, është shtyer për një afat të pacaktuar.

Ai përmes një shkrimi në Facebook, ka bërë të ditur se ky vendim është marrë nga kryesuesi Kuvendit Komunal dhe atij vet si kryetar.

Njoftimi i plotë:

Seanca e Kuvendit Komunal të Mitrovicës e paraparë të mbahet më 26.03.2020, është shtyer për një afat të pacaktuar. Ky vendim i marrë nga Kryesuesi i Kuvendit Komunal të Mitrovicës, pas një konsulte që kishte me mua si Kryetar i Komunës, është i mbeshtetur në Vendimin nr. 01/09 të dt. 13.03.2020 të nxjerrë nga Qeveria e Republikës së Kosovës për marrjen e masave shtesë pas konfirmimit të rasteve pozitive me koronavirus COVID 19 paragrafi 9 i këtij vendimi, përmes te cilit “reduktohen në veprime esenciale dhe staf esencial çdo institucion publik, përveç stafit të shëndetësisë dhe te sektorit te sigurisë”.

Në këtë kuadër, ftoj edhe Kryetaren e Kuvendit të Kosovës, znj. Vjosa Osmani, që të shtyej për një kohë të përshtatshme seancën e thirrur për mocionin e ngritur nga LDK-ja, pasi që nuk ka kushte për mbajtjen e saj bazuar në rekomandimet e Institutit Kombëtar të Shëndetit Publik për masa mbrojtëse nga koronavirusi COVID-19.

Rreziku nga koronavirusi COVID-19 është shumë i madh, ku sot edhe Kryeministri i Shqipërisë dha lajmin se parashikohet që 60-70% e popullsisë të preket nga ky virus. Andaj, duhet të marrim masa mbrojtëse ekstreme për mos përhapjen e tij.

AB

Shfaq komentet
comments powered by Disqus
Sot mund të lexoni Shfletoni kopertinat